டபுள் மீனிங் டயலாக் இந்தப் படத்துல கிடையாது!

கஜினிகாந்த் பற்றி சொல்கிறார் இருட்டு அறையில் முரட்டு குத்து இயக்குநர்

என் முந்தைய படங்களை மனசுல வச்சு, தியேட்டருக்கு வராதீங்க! இது முழுக்க முழுக்க ஃபேமிலி என்டர்டெயினர். குடும்பத்தோடு வந்து ரசிக்கலாம்...’’ முகம் மலர சொல்கிறார் ‘ஹரஹர மஹாதேவகி’, ‘இருட்டு அறையில் முரட்டு குத்து’ என அடல்ட் கன்டன்ட் படங்களை இயக்கிய சன்தோஷ் பி.ஜெயக்குமார். ஆர்யா நடிப்பில் ‘கஜினிகாந்த்’ இயக்கி முடித்திருக்கும் இவர், தனது மூன்றாவது படத்தில்தான் ஃபேமிலி ஆடியன்ஸை மகிழ்ச்சிப்படுத்த முடிந்திருக்கிறது என்கிறார். ‘‘எதிர்ப்புகளை மீறி, ‘இருட்டு அறையில் முரட்டு குத்து’ கிராண்ட் சக்சஸ். சந்தோஷமா இருக்கு.

அந்தப் படம் ரிலீசானதும் தியேட்டர் விசிட் போனேன். ஆடியன்ஸ் ரியாக்‌ஷனை கவனிச்சேன். யாருமே ‘கொடுத்த காசு வீணா போச்சே’னு சொல்லலை! படம் பார்த்தவங்க, தயாரிப்பாளர், விநியோகஸ்தர், திரையரங்க உரிமையாளர்னு எல்லோருமே ஹேப்பி. பேய்ப் பட டிரெண்ட் மாதிரி என் படம் அடல்ட் ஜானரை தொடக்கி வைக்குமானு கேட்டா... தெரியாதுனுதான் பதில்  சொல்ல முடியும். ஆனா, தொடர்ந்து அடல்ட் படங்களும் வரணும். அப்பதான் நிறைய விஷயங்களை வெளிப்படையா பேசுவோம். முக்கியமான விஷயம்... அடல்ட் கன்டன்ட் படங்களை எடுக்கறது சாதாரண விஷயமில்ல! மீட்டர் பக்காவா செட் ஆகணும். கதைனு ஒண்ணு இருக்கணும். முடிச்சு பலமா விழணும். அப்பதான் மக்கள் ரசிப்பாங்க...’’ என்கிறார் சன்தோஷ் பி.ஜெயக்குமார்.