நிச்சயமாக இல்லை! இயக்குநர் மோகன்ராஜா இன்று அடைந்திருக்கும் வெற்றியை யாரும் தங்கத் தட்டில் வைத்து அவரிடம் கொடுக்கவில்லை! கஷ்டப்பட்டுதான் இன்றைய நிலையை அடைந்திருக்கிறார்.

அவரது வாழ்க்கைப் பயணம் அதைத்தான் தெளிவாக உணர்த்துகிறது...

ஆங்கில இலக்கியத்துலயும் தமிழ் இலக்கியத்துலயும் அம்மா எம்ஏ முடிச்சிருக்காங்க.

டபுள் எம்ஏ! அப்ப இருந்த எளிமையான வாழ்க்கைச் சூழல்லயும் சந்தோஷமா வாழ்ந்தாங்க. எங்களையும் சந்தோஷமா வைச்சிருந்தாங்க. அவங்க எம்ஏ படிக்கிறப்ப நான் அவங்க வயித்துல இருந்தேன். அதைச் சொல்லிச் சொல்லியே என்னை வளர்த்தாங்க. எனக்கும் தமிழ் இலக்கியம் கத்துக் கொடுத்தாங்க.

அதை நானே கூட இருந்து கட் பண்ணியிருக்கேன்! சில இடங்கள்ல ரெண்டு ரீலை கட் பண்ணிட்டு ஓட்டுவாங்க. அதைத் தேடிக் கண்டுபிடிச்சு, ஒட்டவச்சு ஓட்ட வைப்பேன். ஆடியன்ஸ் எந்த சீன்ல கைதட்டறாங்க...

எப்ப ஃபீல் ஆவறாங்கனு உன்னிப்பா கவனிப்பேன்.  சென்னை நியூ காலேஜ்ல பிஏ கார்ப்பரேட் படிச்சேன். புரொடக்‌ஷனுக்கு பயன்படுமேன்னு அந்த டைம்ல அந்த டிகிரியை எடுத்துப் படிச்சேன். மத்த பசங்க மாதிரி ஆஃப்டர் காலேஜ் லைஃப்ல எனக்கு ஆர்வம் இருந்ததில்ல. கிளாஸ் முடிஞ்சதும் அப்பாவோட எடிட்டிங் ரூமோ அல்லது ப்ளூடைமண்ட்ல ஒரு டிக்கெட் வாங்கிட்டு தொடர்ந்து நாலு ஷோஸ் ஒரே படத்தை பார்க்கறதோதான் என் வேலை.

மும்பைல நடக்கற சர்வதேச திரைப்பட விழாவுக்கு அப்பா ரெகுலரா போவார். 1995ல நடந்த ஃபெஸ்டிவலுக்கு என்னை அனுப்பினார்!  

ரெண்டாவது படம் திட்டமிடறப்ப தம்பி ரவி ஹீரோவா ரெடியாகி நின்னார். அப்பா தயாரிப்பாளர், அண்ணன் டைரக்‌ஷன், தம்பி ஹீரோனு எங்க எல்லாரோட வாழ்க்கையும் அடங்கி இருந்ததால அழகான ரீமேக்கை இயக்க முடிவு பண்ணினோம். அப்படி ஆரம்பிச்சதுதான் ‘ஜெயம்’.

ஒரு ரயிலையே 18 நாட்கள் வாடகைக்கு எடுத்து ஷூட் பண்ணினோம். அப்படி ஒரு பிரமாண்ட பட்ஜெட்டை எடுக்க அப்பா துணிஞ்சதுக்கு காரணம், கதை மேலயும், நாங்க உருவாக்கின ஸ்கிரிப்ட் மேலயும் அவருக்கு இருந்த நம்பிக்கைதான். அப்புறம் ரீமேக் படங்கள் இயக்கற சூழல் அதுவா அடுத்தடுத்து அமைஞ்சது.   

இப்படி ரீமேக்ல நிறைய மெனக்கெட்டிருக்கேன். ஒவ்வொரு படத்தின் மறு  ஆக்கத்தின்போதும் அப்பா எனக்கு கத்துக் கொடுத்த விஷயங்கள் எல்லாமே  பாடங்கள்தான். ஒண்ணு தெரியுமா? ரீமேக் பண்றப்ப ஸ்பாட்ல நிறைய சங்கடங்களை சந்திக்க  வேண்டியிருக்கும். நாம ஒரு ஷாட் வைப்போம்.

சாதாரண யூனிட் ஆள் கூட, ‘என்ன  சார் இந்த ஷாட்டை வைக்கறீங்க..? ஒரிஜினல்ல வேற மாதிரிதானே இருக்கும்?’னு  கேட்பாங்க. நுணுக்கமா ஸ்கிரிப்ட்ல நாம் செய்திருக்கிற மாற்றங்கள் அவருக்குத்  தெரியாது! நம்ம திறமை மேல... வெற்றி மேல... அவ்வளவு கேள்விகளை சர்வ  சாதாரணமா எழுப்புவாங்க.

பொதுவா ஸ்கிரிப்ட்ல 51 பர்சன்ட் லாஜிக், 49 பர்சன்ட் மேஜிக் இருந்தா அது கன்ஃபார்ம் ஹிட். அதுல மேஜிக் 51 சதவிகிதம், லாஜிக் 49 சதவிகிதம் இருந்தா கூட அந்தக் கதை ஒர்க் அவுட் ஆகாது.  இந்த அனுபவத் தெளிவுடன்தான் சொந்தமா கதை, திரைக்கதை அமைச்சு ‘வேலாயுதம்’ இயக்கினேன்.

இந்தப் படம் பண்ணும்போதே, ‘தனி ஒருவ’னுக்கான விதை கிடைச்சிடுச்சு. அதோட ஹிட்டால என்னை விட அப்பாவுக்கு கூடுதல் சந்தோஷம். ‘வேலைக்காரன்’ல இன்னும் திருப்தியானார். இப்ப ‘தனி ஒருவன் 2’க்கான வேலைகளைத் தொடங்கியிருக்கோம். முதல் பாகத்தை விட ஸ்பீடான திரைக்கதையை நிச்சயம் இதுல எதிர்பார்க்கலாம்!l