மாம்பழம் என்றதும் நம் நினைவுக்கு வருவது, பள்ளி தேர்வுகள் முடிந்து கோடை விடுமுறையில் சந்தோஷமாக சுற்றித்திரிந்த நாட்கள்தான்.

இந்த ஜெகன்னாத ராஜா, ராஜபாளையத்தைச் சேர்ந்தவர். 64 வயதில், அழிந்துபோய்விட்டதாக சொல்லப்பட்ட புளியடி மாம்பழத்தை, மூன்று ஆண்டுகளாக தேடிக் கண்டுபிடித்து அதை கிராப்டிங் முறையில் இன விருத்தி செய்து பெரியகுளம் தோட்டக்கலை ஆராய்ச்சி மையத்தில் சமர்ப்பித்தார்.

அழிந்துபோன மாம்பழ வகையைப் பார்த்ததும் ஆராய்ச்சியாளர்கள் ஆச்சரியத்தில் திளைத்தனர். மூன்று ஆண்டுகள் கடின உழைப்பிற்குப்பின் கிடைத்த வெற்றிதான் அவருக்கு மேலும் அரிய வகை மா உற்பத்தி சாகுபடியில் அதீத ஆர்வத்தை உண்டாகியது.

கருப்பட்டிக் காய் என்ற வகை, பனை கருப்பட்டி சுவையைப் போலவே இருக்கும். அது மாம்பழத்தின் சுவையைத் தராது. வாசனையும் பனங்கருப்பட்டி போலத்தான் இருக்கும்.நூறு வயதான மாமரம் ஆயிரத்திற்கும் அதிகமான மாம்பழங்களை எளிதாகக் கொடுக்கும். அதனால் நல்ல வியாபாரமும் ஆகும்.

இந்த வகை மாம்பழங்கள், மா செடிகள் என்னிடம் மட்டுமே தற்சமயம் இருக்கின்றன. விவசாயிகள் என்னிடம் வந்துதான் இந்த ரக செடிகளை வாங்கிச் செல்கிறார்கள்...’’ என்றவர் அரிய வகை மாம்பழங்களை சிரமப்பட்டுத்தான் தேடிக் கண்டுபிடித்து இனவிருத்தி செய்கிறார்.

‘‘ஒவ்வொரு மாவட்டத்திற்கும் சிறப்பு சேர்க்கும் மாம்பழங்கள் தனியே இருக்கும். ஆனால், அந்த ஊரைத்தாண்டி அதன் சிறப்புகள் வேறு யாருக்கும் தெரியாது. அந்த அரிய வகை மரம் 30, 50 வருடங்களுக்கு முன்னால் யாரிடம் இருந்தது என்று கிராமத்தைச் சுற்றி இருப்பவரிடம் விசாரிப்போம்.