ஆமாம். கடந்த 2018 அக்டோபரில்  நடந்த நிகழ்ச்சி ஒன்று இந்தியாவில் பல துறைகளைச் சேர்ந்த பிரபலங்களை அலறவிட்டது. பலரின் தூக்கத்தைக் கெடுத்து, பதவிகள் பறிபோய், கவுரவம், அந்தஸ்தெல்லாம் கெட்டு, குடும்பத்தைவிட்டே ஓடவிட்டது.

அது, #Metoo ஹேஷ்டேக்.ஓராண்டு முடிந்த நிலையில் இந்த ஹேஷ்டேக்கால் என்ன மாற்றங்கள் ஏற்பட்டன... பெண்கள் பாலியல் துன்புறுத்தல்களில் இருந்து காப்பாற்றப்பட்டுள்ளார்களா?

இவ்வழக்கை விசாரித்த நீதிமன்றம் கடந்த செப்டம்பர் 25 அன்று தீர்ப்பு வழங்கியது.

அதில், ‘குற்றம்சாட்டப்பட்டுள்ள சந்திரா முல்லர் 15,000 யூரோ அபராதம் செலுத்த வேண்டும். சர்ச்கைக்குரிய அந்த ட்வீட்டை அழிக்க வேண்டும். நீதிமன்றம் பிறப்பித்த உத்தரவை தன்னுடைய ட்விட்டர் பக்கத்தில் பதிவிட வேண்டும். மேலும், 2 ஊடகத்திலும் இந்த உத்தரவை வெளியிட வேண்டும்’ என்று உத்தரவிட்டது!

சமீபத்தில் தனியார் பகுப்பாய்வு நிறுவனம் ஒன்று, இந்தியாவில் உள்ள 100 பெரும் நிறுவனங்களை தணிக்கை செய்தது. அதில் முந்தைய 2017 - 2018ம் ஆண்டுடன் ஒப்பிடும்போது, 2018 - 19ல் பெண்களுக்கு எதிரான பாலியல் புகார்களின் எண்ணிக்கை 14% அதிகரித்துள்ளது தெரிய வந்திருக்கிறது.

கடந்த ஜூலையில் நாடாளுமன்றத்தில் மத்திய மகளிர் மற்றும் குழந்தைகள் மேம்பாட்டு அமைச்சகம் வெளியிட்ட ஒரு புள்ளி விவரத்தில், ‘ஷி பாக்ஸ்’ போர்ட்டலில் கடந்த 2017 முதல் 2019 ஜூலை வரை 612 புகார்கள் பதிவு செய்யப்பட்டுள்ளன.

இவற்றில், 196 மத்திய அமைச்சகங்கள் மற்றும் துறைகள் தொடர்பானவை. 103 புகார்கள் மாநில அரசுகள் மற்றும் 313 தனியார் நிறுவனங்கள் தொடர்பான புகார்கள் என்று தெரிவித்துள்ளது. அதாவது தனியார் துறையைக் காட்டிலும் அரசு துறையில் அதிகப் புகார்கள் வந்துள்ளன.

இதில் பலர் தங்களது பதவியை ராஜினாமா செய்துள்ளனர். சிலர் வழக்கு தொடர்ந்துள்ளனர். சில வழக்குகள் தகுந்த ஆதாரம் இல்லை எனக்கூறி நீதிமன்றத்தால் தள்ளுபடி செய்யப்பட்டன. சிலர் பாலியல் புகாருக்கு மறுப்பு தெரிவித்து ‘நான் யோக்கியன்’ என்று இன்றும் வாதிட்டு வருகின்றனர்.