‘‘நான் ஆசீர்வதிக்கப்பட்டவன். என் வாழ்க்கையில் இதுதான் அருமையான நேரம்னு நினைக்கிறேன்...’’  மென் புன்னகையில் மிளிர்கிறார் த்ருவ் விக்ரம். இன்றைய தமிழ் சினிமாவின் லேட்டஸ்ட் சென்சேஷன் த்ருவ்தான். ‘ஆதித்ய வர்மா’ டிரெய்லர் பார்த்து குவிந்த பாராட்டுகளும் ஆச்சரியங்களும் அவரை மேற்கொண்டு சாந்தப்படுத்தி வைத்திருக்கிறது.

‘‘கேட்டதைவிட, நினைச்சதைவிட எல்லாமே அதிசயமா அடுத்தடுத்து நடந்துகிட்டே இருக்கு. என்னை இப்போ எல்லாருக்கும் பிடிச்சிருக்கு. நீங்கள் என்ன பண்ணினாலும் பிடிக்கும்னு சொல்ற வார்த்தைகள் காதில் வந்து விழுது. இதிலிருந்து இனி இறங்கக்கூடாது.

என் நண்பர்களைத் தவிர்த்து எல்லோருக்கும் நான் விக்ரமின் மகன்தான். ஏதோ ஒரு சிரிப்பில், ஒரு பாவனையில், பேச்சில் என்னைக் கண்டு மக்கள் ஒரு கணம் நின்று போவதை பார்த்திருக்கிறேன். இப்போ ‘த்ருவ்’னு ஆர்ப்பரிக்கிறாங்க. எல்லாத்துக்கும் அப்பாதான் காரணம்.

அவர் ‘ஆதித்ய வர்மா’எனக்கு சரியான இடத்தைப் பெற்றுத்தரும்னு நினைச்சதுதான் பெரிய விஷயம். ஷூட்டிங்கில் எல்லாமே சுமுகமா நடக்கும். ஒன்பது மாசமா அப்பா எனக்காக எல்லாத்தையும் தள்ளி வெச்சார். கூட இருந்து பார்த்துக்கிட்டார்.

ஆனால், நான் அதைத் தாண்டியும் வரணும். த்ருவ்னு தனியா சொல்ற மாதிரியும் வரணும். நினைச்சுப் பார்த்தா அதற்கு என்ன அவசரம்! இப்ப இந்த அளவு போதுமே… பின்னாடி நான் உண்மையா உழைச்சா இன்னும் மேலே போகலாமே… அதுவும் நடக்கட்டும்.

இத்தனை இளமையில் உங்களோட போட்டி போட இங்க ஆளே இல்லை…நான் தனியா வர்றதுதான் பயம். சீனியர்கூட கம்பேர் பண்ணினா கூட பெருமைதான். இப்பகூட ‘கைதி’யில அன்பு கேரக்டர் பண்ணினார் ஒருத்தர். அப்படியே அதகளமா இருந்தது. யாருடான்னு கவனிக்க வெச்சார்.