பயன்படுத்தாமல் கடற்கரையில் ஒதுங்கிய குண்டை முன்வைத்து உலக அரசியலோடு உள்ளூர் அரசியலையும் பேசினால் அதுவே ‘இரண்டாம் உலகப் போரின் கடைசி குண்டு’.குண்டு பல கைகளுக்கு மாறி தினேஷ் ஓட்டிச் செல்லும் லாரிக்கு வருகிறது.

அபாயம் தெரியாமல் அவரும் முனீஸ்காந்தும் சேர்ந்தே பயணிக்கிறார்கள். துரத்துகிற போலீஸ், கிராமத்திலிருந்து ஆணவக் கொலையில் இருந்து தப்பிய ஆனந்தி, கொல்லத்துடிக்கிற ஆனந்தியின் அண்ணன் என எல்லோருக்கும் தினேஷ் இலக்காக, அவர் தப்பித்தாரா, குண்டு யாரிடம் சேர்ந்தது, அது சொல்லவரும் செய்தி என்ன என்பதே மீதிக் கதை.