பக்கத்து வீட்டுப் பெண் சாயல், குறும்புப் பார்வை, புரியாத மொழியில் வசனங்கள் என ‘கதிர்’ படத்தின் மூலம் லுக், நடிப்பு என பவ்யா த்ரிகாவுக்கு பாராட்டுகள் குவிகின்றன. அடுத்தடுத்த படங்களிலும் பொண்ணு இப்ப செம பிஸி.

‘‘பெரிய நடிகர் ஆகணும்னு எங்கப்பா விரும்பினார். ஆனா, அன்னைக்கு இருந்த சூழல் அவரால சினிமால சாதிக்க முடியல. அவருடைய ஆசையும் என்னுடைய ஆசையும் சேர்ந்து நான் முயற்சி செஞ்சேன்... இப்ப நீங்க பேட்டி எடுக்கற நிலைக்கு வந்திருக்கேன்...’’ புன்னகைக்கிறார் பவ்யா த்ரிகா. உங்களைப் பற்றி சொல்லுங்க!

எத்தனையோ படங்கள் ஓடிடி பிளாட்பார்ம்ல ரிலீஸ் ஆகிட்டு இருக்கும்போது நான் நடிச்ச படம் தியேட்டர்ல ரிலீஸ் ஆகியிருக்கு. உண்மைலயே இதை பெரிய லக்கா நினைக்கறேன். நான் லக்கி கேர்ள்! படத்துக்கும் விமர்சன ரீதியா நல்ல வரவேற்பு கிடைச்சிருக்கு. என் கேரக்டரையும் குறிப்பிட்டு பாராட்டறாங்க.

உண்மைலயே சந்தோஷமா இருக்கு.சினிமாவுக்கு வர்றதுக்கு முன்னாடி வரைக்கும் இதெல்லாம் பெரிய விஷயமா தெரியல. ஆனா, ஒவ்வொரு நாளும் ஷூட்டிங் ஸ்பாட்ல நடக்கற விஷயங்களைப் பார்க்கும்போதுதான் சினிமா எவ்வளவு கஷ்டம்னு புரியுது.