ஒளிப்பதிவாளர் எஸ்.ஆர்.கதிர்... ‘கற்றது தமிழ்’ படம் தந்த கேமரா காதலன். தொடர்ந்து ‘சுப்ரமணியபுரம்’, ‘நாடோடிகள்’, ‘நீதானே என் பொன் வசந்தம்’, ‘என்னை அறிந்தால்’, ‘காத்து வாக்குல ரெண்டு காதல்’... என இவரது ஒளிப்பதிவால் ஒளிர்ந்தன பல படங்கள்.  

இவரின் விஷுவலில் ‘ஜெய் பீம்’ கொடுத்த தாக்கத்தால் தமிழ் சினிமாவே ஒளிர்ந்தது என்றால் மிகையாகாது. இதோ இப்போது ‘வேட்டையன்’. விஷுவல் விருந்துக்கு மட்டுமின்றி சமூகத்துக்கான மருந்தும் டி.ஜே. ஞானவேல் இயக்கத்தில் இருக்கும் என்கிற நம்பிக்கையில் தமிழ் சினிமா தயாராகிக் கொண்டிருக்கிறது.

‘ஜெய் பீம்’ ஒரு பர்சனல் கதை. ஓர் உண்மைச் சம்பவத்தை எடுத்துக்கொண்டு நடந்த உண்மையான கோர்ட் ரூம் டிராமா. ‘வேட்டையன்’ இப்போ நடந்துகிட்டு இருக்கும் ஒரு பிரச்னையின் மேலே உண்மையும் கற்பனையும் கலந்து சொல்லப்பட்ட ஒரு கதை . நிச்சயம் இந்தக் கதை பல விவாதங்களையும், சமூகம் சார்ந்த உரையாடல்களையும் உருவாக்கும். ஒரு நேர்மையான வக்கீலின் உண்மைக் கதைதான் ‘ஜெய் பீம்’. ‘வேட்டையன்’ தன்னுடைய வேலைக்கு மட்டுமே பயப்படும் ஒரு நேர்மையான போலீஸ் அதிகாரியின் கற்பனைக் கதை. பெருவாரியான மக்களின்பிரச்னையை இந்தப் படம் பேசும். 

ரஜினிகாந்துடன் பணியாற்றிய அனுபவம்..?

பாட்டுக்கான எனர்ஜி மட்டுமல்ல... மொத்த படக்குழுவுக்கான எனர்ஜியும் ரஜினி சார்தான். 

இரவு ஷூட்டிங் என்கிற நினைப்பே இல்லாம நாங்க வேலை செய்ய உந்து சக்தியே சார்தான்.

படம் ஆரம்பிக்கிறதுக்கு முன்னாடியே நானும் ஞானவேலும் ரஜினி சாரை சந்தித்தோம். இப்ப வரையிலும் அந்த சந்திப்பு ஒரு கனவு மாதிரி இருக்கு எனக்கு.

அவர் பேச ஆரம்பித்தாலே பாசிட்டிவ் வைப் என்பார்களே அது தானாகவே நம்மகிட்ட வந்திடும். அப்புறம் அவர் மட்டும்தான் பேசுவார் நாம மெய்மறந்து கேட்டுகிட்டே இருப்போம்.

சாலிகள். தன்னை இப்படித்தான் மக்கள் பார்க்கணும் என்கிற ஆர்வம் இருக்கும் எந்த நடிகனையும் ஒரு கேமராமேன் கஷ்டப் படாமல் விஷுவலில் அழகாகக் காட்ட முடியும். 

உதாரணத்திற்கு சசிகுமார் உடன் நான் வேலை பார்த்த அத்தனை படத்திலும் ஹீரோயின்கள் பெரும்பாலும் புது நடிகைகள். அடிப்படையிலேயே முதல் படம் என்கிற ஆர்வம் அவங்க கிட்ட இருந்தது. அதற்கு சரியான ஆங்கிள் மற்றும் லைட்டிங் கொடுத்து மெருகேற்றும் போது இன்னும் சிறப்பா அழகா தெரிவாங்க.

‘ஏன் கேட்கலை’ அப்படின்னு கேட்டபோது ‘நீங்க ஒரு படத்தில் கமிட் ஆகி இருக்கீங்க, அஞ்சு வருஷத்துக்கு பிஸி’ன்னு இன்னொரு நபர் சொன்னதால் வேறு ஒருத்தர் கதைக்குள் வந்துட்டார் அப்படின்னு சொன்னார். ‘நீங்க என்கிட்ட கேட்டு இருக்கலாமே’ அப்படின்னு நானே இந்தப் படத்தில் நான் இல்லாமல் போயிட்டேனே என வருத்தப்பட்ட ஒரு படம் அது.