அமெரிக்காவிடம் மட்டுமே இருக்கு பி-2... உலகமே அப்பீட்டு!

அழித்ததா இல்லையா... என உலகமே தலையைப் பீய்த்துக் கொண்டிருக்கிறது. அமெரிக்க அதிபர் டிரம்ப் அழித்தாகி விட்டது என்கிறார். அமெரிக்க ராணுவத்தை சேர்ந்தவர்களோ இன்னும் அழிக்கவில்லை என்கிறார்கள்.

புரிந்திருக்குமே... அதேதான்.

ஈரானின் அணுசக்தி தளங்களில் மூன்றை முற்றிலுமாக அழித்தாகிவிட்டது என்கிறார் டிரம்ப்.இல்லை... அமெரிக்கா தாக்குவதற்கு முன்பாகவே அங்கிருந்த முக்கியமான பொருட்களை ஈரான் வேறு இடங்களுக்கு எடுத்துச் சென்று அப்புறப்படுத்திவிட்டது என்கிறது அதே அமெரிக்காவின் இராணுவத் துறை.இந்நிலையில் யார் சொல்வது சரி என பதில் தேடுவதை விட பி-2 போர் விமானங்களைக் குறித்து அறிந்துகொள்வது நல்லது.

ஏனெனில் இந்த பி-2 அதி

நவீன போர்விமானம்தான் ஈரான் எங்கு அணுசக்தி தளங்களை வைத்திருப்பதாக சொல்லப்பட்டதோ அந்த இடத்தைத் தாக்கியது. மட்டுமல்ல... பூமிக்கு கீழே... வெகு வெகு கீழே இயங்கி வந்த ஈரானின் அணுசக்தி தளங்களை அழிக்க அல்லது துளைக்க இந்த பி-2 போர் விமானங்களில் இருந்தே ஏவுகணைகள் / குண்டுகள் வீசப்பட்டன.துல்லியமாக இலக்கை... மிக மிக துல்லியமாக பி-2 போர் விமானங்கள் தாக்கின என்பது மட்டும் இன்று அனைவரும் ஒப்புக்கொள்ளும் உண்மை.

இச்சூழலில்தான் பி-2 அதி

நவீன போர்விமானங்கள் குறித்த செய்திகள் உலகெங்கும் வைரலாகி வருகின்றன.காரணம், உலகிலேயே... ஏன் பிரபஞ்சத்திலேயே அமெரிக்காவிடம் மட்டும்தான் இந்த பி-2 ரக போர் விமானங்கள் இருக்கின்றன!1970களில் அதிநவீன பி-2 போர் விமானத்தை தயாரிக்கும் பணியில் அமெரிக்கா களமிறங்கியது. புதிய போர் விமானத்தை தயாரிக்கும் பணி அமெரிக்காவின் நார்த்ரோப் கார்ப்பரேசனிடம் அளிக்கப்பட்டது. கடந்த 1989ம் ஆண்டில் பி-2 போர் விமானம் முதல்முறையாக அறிமுகம் செய்யப்பட்டது.

உலகின் மிகச் சிறந்த போர் விமானமாக அன்று முதல் பி-2 கருதப்படுகிறது. 172 அடி அகலம், 69 அடி நீளம் கொண்ட இந்தப் போர் விமானத்தில் பல்வேறு சிறப்பு அம்சங்கள் உள்ளன.