சினிமாவின் மீது தீராத காதலும், ஆர்வமும் இருந்தாலே போதும். யார் வேண்டுமானாலும் இயக்குநராகலாம் என்பதற்கு மிகச்சிறந்த உதாரணம், ஜேம்ஸ் கேமரோன். 

பிரமாண்டம் என்பதற்கு சரியான அர்த்தத்தை ஜேம்ஸின் படங்கள்தான் கொடுக்கின்றன. இவரது ‘அவதார் 3’ வெளியாகும் நாளுக்காக உலகமெங்கும் உள்ள சினிமா ரசிகர்கள் காத்துக்கொண்டிருக்கின்றனர். அதற்கு முன்பு ஜேம்ஸ் கடந்த வந்த பாதையைப் பார்ப்போம். 

கனடாவில் உள்ள ஒண்டாரியோ மாகாணத்தில் அமைந்திருக்கும் காபூஸ்காஸிங் எனும் சிறு நகரத்தில், 1954ல் பிறந்தார், ஜேம்ஸ் ஃபிரான்சிஸ் கேமரோன். இவரது தந்தை ஒரு எலெக்ட்ரிக்கல் எஞ்சினியர்; அம்மா செவிலியராக வேலை செய்துகொண்டே கலைச் செயல்பாடுகளில் ஈடுபட்டு வந்தார். 

ஜேம்ஸின் மூதாதையர்கள் ஸ்காட்லாந்தைச் சேர்ந்தவர்கள் என்பது குறிப்பிடத்தக்கது. பெரும்பாலும் தனது குழந்தைப்பருவத்தில் தெற்கு ஒண்டாரியோவில் அமைந்திருந்த தாத்தாவின் பண்ணையில்தான் ஜேம்ஸ் இருப்பார். 

இயற்கை சூழ்ந்த தாத்தாவின் பண்ணை, சிறுவன் ஜேம்ஸின் மனதுக்குள் இயற்கையின் மீதான நேசத்தை வளர்த்தது. இந்த நேசம்தான் பின்னாட்களில் அவரது படங்களிலும் வெளிப்பட்டது. 

இந்த ஆர்வம் சினிமாவிலும் தொடர்கிறது. ஆம்; சினிமாவில் புதுமை என்றால் ஜேம்ஸ் கேமரோன்தான் முதலில் நினைவுக்கு வருவார். ஜேம்ஸுக்கு 17 வயதாக இருந்தபோது, அவரது குடும்பம் கலிபோர்னியாவுக்கு இடம் பெயர்ந்தது.

1973ல் ஃபுல்லர்டன் கல்லூரியில் இயற்பியல் பாடத்தைத் தேர்வு செய்து படித்தார். ஆனால், அவருக்கு இயற்பியலில் பெரிதாக ஆர்வம் ஏற்படவில்லை. அதனால் ஆங்கிலத்துக்கு மாறினார். உண்மையில் அவரால் கல்லூரியில் படிக்க முடியவில்லை. 

ஆம்; ஒரு வருடத்திலேயே கல்லூரியிலிருந்து விலகிவிட்டார். சரியான படிப்பு இல்லையென்பதால் சரியான வேலையும் கிடைக்கவில்லை. அதனால் காவலாளி, டிரக் டிரைவர் என பல வேலைகளைச் செய்தார். மது மட்டுமல்லாமல் எல்எஸ்டி, கஞ்சா என்று போதைப்பழக்கமும் இருந்தது. 

ஏதாவது வேலையைப் பார்த்துக்கொண்டு, அதில் கிடைக்கும் பணத்தைக்கொண்டு போதையில் திளைத்திருந்தார். எப்போதாவது கிடைக்கும் ஓய்வு நேரங்களில் எதையாவது எழுதுவார். இப்படி எந்தவித இலக்குமில்லாமல் சுற்றித் திரிந்துகொண்டிருந்த காலத்தில் நூலகத்துக்குச் சென்று படிக்கும் வழக்கம் அவருக்கு இருந்தது ஆச்சர்யம். 

நூலகத்தில் சினிமா தொழில்நுட்பம் சார்ந்த ஸ்பெஷல் எபெக்ட்ஸ் விஷயங்கள் ஜேம்ஸைக் கவர்ந்தன. எதையாவது புதிதாகச் செய்ய விரும்பும் சிறுவன் ஜேம்ஸை ஸ்பெஷல் எபெக்ட்ஸ் கவர்ந்திழுத்துக் கொண்டது. அவரது படங்களின் ஸ்பெஷல் எபெக்ட்ஸுக்குப் பின்னணியில் எப்போதும் புதுமையைப் படைக்க விரும்பும் சிறுவன் ஜேம்ஸ்தான் இருக்கிறான். 

அப்படி வியப்பில் ஆழ்த்தப்பட்ட பார்வையாளர்களில் ஜேம்ஸும் ஒருவர். ‘ஸ்டார் வார்ஸ்’ தந்த உற்சாகத்தில், தான் பார்த்து வந்த டிரக் டிரைவர் வேலையை விட்டுவிட்டு, முழு முனைப்புடன் சினிமாத்துறைக்குள் நுழைந்தார் ஜேம்ஸ். 

அதுவரைக்கும் ஊதாரித்தனமாகச் சுற்றிக்கொண்டும், கிடைத்த வேலைகளைப் பார்த்துக்கொண்டும் இருந்த ஜேம்ஸாக இல்லாமல், முற்றிலும் வேறு ஒரு மனிதராகப் பரிணமித்தார். எதிர்காலம், வாழ்க்கை எல்லாமே சினிமாதான் என்று முடிவு செய்து, இயக்கம் முதல் மற்ற சினிமா தொழில்நுட்பங்கள் எல்லாவற்றையும் சுயமாகவே கற்றுக்கொண்டார்.

ஓர் இயக்குநராகத் துடிக்கும் எல்லா இளைஞர்களுக்குள்ளும் முதலில் ஒரு குறும்படத்தை எடுத்துவிட வேண்டும் என்ற ஆசைஇருக்கும். ஆனால், குறும்படம் எடுப்பதற்கான பணம் இருக்காது. இதே நிலை ஜேம்ஸுக்கும் இருந்தது. 

குறும்படம் எடுப்பதற்காக, தான் வசித்து வந்த ஊரைச் சேர்ந்த பல் மருத்துவர்களிடமிருந்து 20 ஆயிரம் டாலர்களைச் சேகரித்தார் ஜேம்ஸ். 1978ம் வருடம், தான் சுயமாக கற்றுக்கொண்ட தொழில்நுட்பங்களை வைத்து ‘Xenogenesis’ என்ற குறும்படத்தை இயக்கினார். 

பிறகு ஒரு ஸ்டூடியோவில் மினியேச்சர் மாடல் மேக்கராக வேலை செய்தார். இதில் கிடைத்த அனுபவங்களுடன் 1980ல் வெளியான ‘பேட்டில் பியாண்ட் த ஸ்டார்ஸ்’ எனும் படத்தில் கலை இயக்குனராகப் பணிபுரிந்தார்; முக்கியமாக படத்தின் ஸ்பெஷல் எபெக்ட்ஸிலும் பங்கு பெற்றிருக்கிறார். 

‘எஸ்கேப் ஃப்ரம் நியூயார்க்’கில் ஸ்பெஷல் விஷுவல் எபெக்ட்ஸ் துறையிலும், ‘கேலக்ஸி ஆஃப் டெரரி’ல் ப்ரொடக்‌ஷன் டிசைனராகவும், ‘ஆண்ட்ராய்டி’ல் டிசைன் ஆலோசகராகவும் பணிபுரிந்து, சினிமாவை ஆழமாகக் கற்றுக்கொண்டார் ஜேம்ஸ். 

தயாரிப்பாளருடன் ஏற்பட்ட  பிரச்னையால் இயக்குநர் விலகிவிடவே, படத்தை இயக்கும் வாய்ப்பும் ஜேம்சுக்கு வந்தது. ‘பிரானா 2: த ஸ்பானிங்’தான் ஜேம்ஸ் இயக்கிய முதல் முழு நீளத்திரைப்படம். ஆனால், தயாரிப்பாளருடன் ஏற்பட்ட பிரச்னையால் ஜேம்ஸாலும், தான் நினைத்ததைப் படமாக்க முடியவில்லை. 

படமும் பெரிதாகப் போகவில்லை. எதிர்மறையான விமர்சனங்கள்தான் அதிகம். “‘பிரானா 2’வை என்னுடைய முதல் படம் என்று உணர முடியவில்லை...” என்கிற ஜேம்ஸ், சினிமாவில் தன் இடத்தை நிரூபிக்க வேண்டிய நிலைக்குத் தள்ளப்பட்டார். 

கதைக்கு ஒரு டாலர் மட்டுமே கொடுக்க முடியும் என்றும் ஒப்பந்தம் போட்டார். 

பணத்தைவிட, தனது திறமையை நிரூபிப்பதற்கான வாய்ப்புதான் முக்கியம் என்று ஒரு டாலருக்குத் திரைக்கதையைக் கொடுத்தார் ஜேம்ஸ். பட்ஜெட் பெரிது என்பதால் வேறு சில தயாரிப்பு நிறுவனங்களையும் உள்ளிழுத்து ‘த டெர்மினேட்டரை’ வெற்றிகரமாக இயக்கினார்.