‘ஆப்பிள் பெண்ணே நீ யாரோ...’ இந்தப் பாடல் யாருக்குப் பொருந்துகிறதோ இல்லையோ ‘மாஸ்க்’ பட ஹீரோயின் ருஹானி ஷர்மாவுக்கு கச்சிதமாகப் பொருந்தும். ஆமாங்க... இந்த அழகி பிறந்தது ஆப்பிள்  பூமியான இமாச்சலப் பிரதேசத்தில்.பஞ்சாப் பல்கலைக்கழகத்தில் பட்டம் வாங்கிய இவர் சினிமா ஆசையில் நடிக்க வந்தவர். 

ஆரம்பத்தில் உள்ளூர் மொழிகளில் நடித்த  இவருக்கு தெலுங்கில் பிரபல ஹீரோ நானி தயாரித்த படம், சிறப்பான அறிமுகத்தை கொடுத்ததோடு‌ இந்தி, தமிழ் என பல மொழிகளில் வாய்ப்புகளை ஏற்படுத்தியது.

அற்புதமான, அழகான பயணம் அது. 

கடந்த இரண்டு வருடங்களாக படக்குழுவினருடன் பயணம் செய்தது மிகவும் அற்புதமான அனுபவம். ஆண்ட்ரியா மேடம், கவின் போன்ற அனுபவசாலிகளுடன் திரையைப் பகிர்ந்து கொண்டதோடு அருகில் இருந்து அவர்களுடைய கடின உழைப்பை பார்க்க முடிந்தது.

எல்லா வகையிலும் இந்தப் படம் எனக்கு மிக முக்கியமான படம். ஒருவகையில் கோலிவுட்டில் இது என்னுடைய அதிகாரபூர்வமான முதல் படம் என்றும் சொல்லலாம். அந்த வகையில் இது எனக்கு ஸ்பெஷல் படம்.

அதுமட்டுமல்ல, தமிழ் சினிமாவின் மிகச்சிறந்த இயக்குநர் வெற்றிமாறன் சாரின் வழிகாட்டுதல் இந்தப் படத்துக்கு கிடைத்தது, இன்னொரு ஸ்பெஷல். இதில் வருத்தமான விஷயம் என்னவென்றால் இந்தப் பட வெளியீட்டுக்குப் பிறகு அவரவர் தங்கள் அடுத்த வேலையில் பிசியாகிவிட்டார்கள்.ஆண்ட்ரியா மேடம், கவின், வெற்றிமாறன் சார் என ஒவ்வொருவரையும் மீண்டும் சந்திக்க முடியவில்லை.

தமிழில்ஓர் இடைவெளிக்குப் பிறகு நடித்தாலும் இதை என்னுடைய கம்பேக் படமாக நினைக்கவில்லை. இந்த வாய்ப்பை புதிதாகப் பிறந்த குழந்தைபோல் எண்ணிக் கொண்டேன்.

வெற்றிமாறன் சார் நேரடியாக இயக்கியிருந்தாலும், தயாரித்திருந்தாலும் அவருடைய பங்களிப்பு எப்படி இருந்திருக்குமோ அதுபோல் இதில் அவர் பங்களிப்பு செய்தார்.  அவருக்கு கதை, என்னுடைய கேரக்டர் என பட தகவல் அனைத்தும் தெரியும். அவர் என் மீது நம்பிக்கை வைத்ததோடு இந்தப் படத்தில் நானும் பங்களிப்பு செய்ய எனக்கு வாய்ப்பு ஏற்படுத்திக் கொடுத்தார்.