1. நதிகள் உள்ளிட்ட நீர்நிலைகளில் நீராடும்போது மூக்குத் துவாரங்களுக்குள் நீர் செல்லாதபடி குளிக்க வேண்டும். நீருக்குள் மூழ்கிக் குளிக்க வேண்டி வந்தால் மூக்குத்துவாரங்களை நன்றாக மூடிக்கொண்டு மூழ்கிக் குளிப்பது நல்லது. ஏனெனில் கேரளாவில் தற்சமயம் வழக்கத்துக்கும் அதிகமாக அமீபா மூளைக்காய்ச்சல் பரவி வருகிறது.

நீர்நிலைகளில், அதிலும் வெப்பமான நீர் இருக்கும் நீர்நிலைகளில் வாழும் நிக்லேரியா ஃபவுலேரி எனும் அமீபா மூக்குக்குள் சென்று மூளையை அடைந்து மூளைக்காய்ச்சலை உண்டாக்கலாம். எனவே நதிகளில் நீராடும்போது நாசிக்குள் நீர் செல்லாதபடி பார்த்துக் கொள்ளுங்கள்.

8. பம்பை - சன்னிதானம் வழியில் அவசர சிகிச்சை முகாம்கள் ஏற்படுத்தப்பட்டுள்ளன. கொன்னி மருத்துவக் கல்லூரி - பக்தர்களுக்கு சிகிச்சை அளிக்கும் அடிப்படை தளமாக செயல்படுகிறது. 

பந்தனம்திட்டா பொது மருத்துவமனையில் அவசர இதய நல சேவைகளான கேத் லேப் வசதி செயல்படுகிறது. பம்பை மற்றும் சன்னிதானம் ஆகிய இரு இடங்களிலும் அறுவை சிகிச்சை அரங்குகளுடன் கூடிய சிகிச்சை முகாம்கள் தயார் நிலையில் இருக்கின்றன.

அனைத்து மருத்துவமனைகளிலும் இதய செயல் முடக்கத்தை சரிசெய்யும் டீஃபிப்ரில்லேட்டர் கருவிகள், இதய செயல் கண்காணிப்பு கருவிகள் இருக்கின்றன. நிலக்கல் மற்றும் பம்பையில் ஆய்வக பரிசோதனை மையங்கள் நிறுவப்பட்டுள்ளன. 

இவையன்றி பண்டலம் வலிய கொய்கால் கோயிலில் தற்காலிக மருத்துவ முகாமும்; அடூர், வடசேரிக்கரா, பந்தனம்திட்டா ஆகிய ஊர்களில் ஒரு மருந்தகமாவது 24×7 திறந்திருக்குமாறும் ஏற்பாடுகள் செய்யப்பட்டுள்ளன.- இப்படி கேரள மாநில சுகாதாரத் துறை அறிவுறுத்தியுள்ளது.