விளையும் பயிர் முளையிலேயே தெரியும் என்பார்கள். அதுபோல பின்னாளில் நம் நாட்டிற்கு பல பதக்கங்களைப் பெற்றுத் தருவார் என்ற நம்பிக்கையைத் தருகிறது மதுரையைச் சேர்ந்த 8 வயது சிறுமி ஹரிணிஸ்ரீ-யின் சாதனை.

இவர் இந்த வயதிலேயே மாரத்தான் ஓட்டத்தில் 18 கி.மீ. தூரம் நிற்காமல் ஓடி உலக அளவில் கின்னஸ் சாதனை படைத்துள்ளார். இந்த சாதனைக்கு ஊன்றுகோலாய் இருந்துவரும் அவரது தந்தை முனியராஜிடம் பேசினோம். ‘‘எனது மகள் ஹரிணி படுசுட்டி. மிக மிக சுறுசுறுப்பானவள்.

அதனால், அவளை ஒரு கால்பந்தாட்ட வீரராக்க வேண்டும் என முயற்சித்து வருகிறேன். எங்கள் பகுதியில் உள்ள தனியார் மெட்ரிக் பள்ளியில் 4ஆம் வகுப்பு படித்துவருகிறாள் ஹரிணிஸ்ரீ. எனது தந்தை வல்லபராஜ் மற்றும் எனது மாமா பரதன் இருவரும் கால்பந்து வீரர்கள்.

எனது தந்தை உடற்கல்வி ஆசிரியராகப் பணியாற்றி மாணவர்களுக்கு சிறப்பான பயிற்சி கொடுத்துவந்தார். எனது தந்தை மற்றும் மாமாவின் ஊக்கத்தால் நானும் சிறுவயது முதலே கால்பந்து விளையாட்டில் ஆர்வமுடன் இருந்தேன். அதனால் பள்ளி காலங்களில் விளையாட்டு விடுதிகளில் கால்பந்து வீரனாகவே வளர்ந்தேன்.

‘‘எனது மகள் ஹரிணிஸ்ரீக்கும் நானே கோச்சாக இருப்பதால் அவளது 4 வயதிலிருந்தே பயிற்சியை தொடங்கிவிட்டேன். காலை மாலை என என் மாணவர்களுக்கு பயிற்சி கொடுக்கும்போது என் மகளையும் இணைத்துக்கொண்டேன். அவளது விளையாட்டு ஆர்வம் இன்னும் என்னை தனிப்பயிற்சியளிக்கத் தூண்டியது.

கால்பந்து வீராங்கனைக்கான பயிற்சி அளித்துக்கொண்டிருந்த நேரத்தில் அவளது ஸ்டாமினாவைக் கண்டு வியப்படைந்த நண்பர்கள், அவளுக்கு மாரத்தான் பயிற்சி அளிக்குமாறு ஆலோசனை கூறினர். அந்த ஆலோசனைதான் இன்று  இந்த இளம் வயதில் ஹரிணிஸ்ரீயை ஒரு சாதனை வீராங்கனையாக உருவெடுக்க வைத்துள்ளது.

படுத்தினார். இந்த சாதனையைத் தொடர்ந்து பல பயிற்சிகளைப் பெற்று வருகிறாள்.

வருங்காலங்களில் ஒரு சிறந்த கால்பந்தாட்ட வீராங்கனையாக உருவாகி தமிழ்நாட்டிலிருந்து இந்தியாவிற்காக பல பதக்கங்களைப் பெற்றுக் கொடுப்பார் என நம்புகிறேன்’’ என்றார்.தன் மகள் பதக்கங்களைப் பெற வேண்டும் என்ற கனவோடு கடுமையான பயிற்சிகளை வழங்கி வரும் இவரின் எண்ணம் ஈடேற நாமும் வாழ்த்துவோம்!