83

கபில்தேவ் வாழ்க்கை வரலாறு படத்தில், அவரது மகள் அமியா உதவி இயக்குநராக இணைகிறார். இவர் படத்தில் காட்டும் ஆர்வமும், உழைப்பும்  படக்குழுவினருக்கு ஆச்சரியத்தை அளித்துள்ளது .1983ல் இந்திய கிரிக்கெட் அணி முதல் முறையாக மேற்கிந்திய தீவுகள் அணிக்கு எதிராக  விளையாடி, உலகக் கோப்பையை வென்றெடுத்து, இந்தியர்கள் அனைவருக்கும் பெரும் மகிழ்ச்சியை அளித்து, நாட்டிற்கே பெருமை சேர்த்தது. அதற்கு  முக்கிய காரணமாக இருந்த முன்னாள் கிரிக்கெட் வீரரும், அப்போதைய இந்திய அணியின் கேப்டனுமான கபில்தேவ் பற்றியும், இந்திய கிரிக்கெட்  அணியின் வரலாற்று சிறப்பு மிக்க வெற்றியை பற்றிய படம்தான் “83”.

இதில் பாஜிராவ் மஸ்தானி, பத்மாவதி போன்ற படங்களில் நடித்து மூன்று முறை ஃபிலிம் ஃபேர் விருதுகள் வென்று, இந்தியா முழுவதும் பிரபலமான  நடிகர்களில் அதிகம் சம்பளம் வாங்கும் நடிகருமான ரன்வீர் சிங், கபில்தேவ் கதாபாத்திரத்தில் நடிக்கிறார். இதை பஜ்ரங்கி பாய்ஜான், சுல்தான் போன்ற  படங்களை இயக்கிய கபீர் கான் இயக்குகிறார். இன்னிலையில், 83 படத்தில் உதவி இயக்குநராக கபில்தேவ்வின் மகள் அமியா இணைந்துள்ளதாக  படக்குழுவினர் தற்போது அறிவித்துள்ளனர். கல்லூரி முடித்த சில காலத்திலேயே, சினிமா மீதிருந்த ஆர்வத்தால், நேரடியாக சினிமா கலையை கற்க,  தன் தந்தை படத்திலேயே உதவி இயக்குநராக அறிமுகமாகியுள்ளார்.