இந்நிலையில் அடுத்த படத்தில் ஹீரோவாகக் கமிட்டாகியுள்ளார்.  படத்தின் பெயர் ‘உயர்ந்த மனிதன்’. இந்தப் படத்தின் மூலம் இந்தியத் திரை உலகின் பிதாமகன், அகில இந்திய சூப்பர் ஸ்டார் அமிதாப் பச்சன் தமிழுக்கு முதன்முறையாக வருகிறார்.

திருச்செந்தூர் முருகன் புரொடக்‌ஷன்ஸ் படநிறுவனத்தின் சார்பில் சுரேஷ் கண்ணன் மற்றும் ஃபைவ் எலிமென்ட்ஸ் பிக்சர்ஸ்  இணைந்து தயாரிக்கும் இந்தப் படத்தை தமிழ்வாணன் இயக்குகிறார். இவர் ஏற்கனவே எஸ்.ஜே.சூர்யா, நயன்தாரா நடித்த ‘கள்வனின் காதலி’ படத்தை இயக்கியவர்.அமிதாப்போடு இணைந்து நடிக்கும் பரவசத்தில் இருந்த எஸ்.ஜே.சூர்யாவிடம்  கேட்டோம்.

இயக்குநர் கொண்டு வந்த கதைதான் அமிதாப் சார் வரைக்கும் இந்தப் படத்தைக் கொண்டு சென்றிருக்கிறது. இரண்டு  வருடங்களுக்கு மேலாக இந்தப் படத்துக்கான வேலைகள் நடந்து வருகிறது. திரைக்கதை மட்டும் ஒரு வருடம் எழுதப்பட்டது.  ஸ்கிரிப்டை அமிதாப் பச்சன் சாரிடம் கொண்டு சென்று கொடுத்தோம்.

ஸ்கிப்ரிட் படித்து முடித்த பிறகு அவரை இறுதியாக ஒரு முறை சந்தித்தோம். கதை எனக்கு ரொம்ப பிடித்திருக்கிறது, சில சந்தேகங்கள் இருக்கின்றன, அவற்றை விளக்க வேண்டும் என்றார். அதைக் கேட்ட பிறகு கண்டிப்பாக நான் நடிக்கிறேன் என்றார். நாங்கள் சொன்ன விளக்கம் அவருக்கு திருப்தியைக் கொடுத்தது.

சாதனை படைக்க நினைக்கும் அனைவருக்கும் மிகப்பெரிய இன்ஸ்பிரேஷனாக இருக்கிறார். இந்தப் படத்துக்கு மிகப் பொருத்தமான தலைப்பு நடிகர் திலகம் சிவாஜி சார் அவர்களின் ‘உயர்ந்த மனிதன்’. இந்தத் தலைப்பை ஏவிஎம்மிடமிருந்து வாங்கியிருக்கிறோம்.

இந்தப் படத்துக்கு மிகப்பெரிய ஆதரவைக் கொடுத்தவர்களில் இயக்குநர் ஏ.ஆர். முருகதாஸ். நான் ்கஷ்டத்தில் இருக்கும்போது இயக்குனர் சொன்ன வார்த்தைகளே எனக்கு உற்சாகத்தைக் கொடுத்தது. இந்தப் படம் இந்தியா முழுக்க மட்டுமின்றி சீனா வரை போகும். கதை அப்படி அமைந்திருக்கிறது’’ என்கிறார் எஸ் ஜே சூர்யா.