மின்னுவதெல்லாம் பொன்தான்-19

don’t believe in comebacks!

இரவு நேர பேருந்துப் பயணத்தில், “உனக்கென இருப்பேன்... உயிரையும் கொடுப்பேன்...” என்கிற பாடல் ஒலித்தால் கல்லாத மனமும் கரையாதோ?
ஒரு மெக்கானிக் பையன், “தொட்டு தொட்டு என்னை வெற்றுகளி மண்ணை சிற்பமாக யார் செய்ததோ” என காதலியை பார்த்துப் பாடுகிற அந்தப் பாடல், காதலில் விழுந்துக் கிடக்கிறவனின் மனவோட்டத்தை அச்சு அசலாகக் கொண்டு வந்தது.

‘காதல்’ படத்தில் மறைந்த மகத்தான கவிஞன் நா.முத்துக்குமார் எழுதிய எட்டு அருமையான பாடல்களிலும், இசையின் அத்தனை பரிமாணங்களையும் இறக்கி வைத்த இசையமைப்பாளர் ஜோஸ்வா ஸ்ரீதர். இத்தனைக்கும் ‘காதல்’தான் அவருக்கு முதல் படமே. ‘காதல்’ படத்தின் பாடல்களை இப்போதும் கேட்டுப் பாருங்கள். முப்பது வயது இளைஞன் இசைத்த இசையா இது என்று ஆச்சரியப்படுவீர்கள்.