இவர்தான் மிஸஸ் இந்தியா!

லண்டனில் அமெரிக்க நிறுவனம் ஒன்றில் கை நிறைய சம்பளம், மனம் நிறைய சந்தோஷம் என்று வாழ்ந்து வந்தவர் தேவந்தி. இவர் இந்து என்ற பெயரில் ஏற்கனவே சினிமாவில் நடித்து ரசிகர்களுக்கு பரிச்சயமானவர். இப்போது தேவந்தி என்ற பெயரில் நடித்து வருகிறார்.

லண்டனிலிருந்து சினிமா மீதுள்ள மோகத்தால் சென்னை வந்து செட்டிலானவருக்கு ‘வீரசேகரன்’ படத்தில் நடிக்கும் வாய்ப்பு கிடைத்துள்ளது. அதைத் தொடர்ந்து ‘என்றென்றும் புன்னகை’, ‘வெண்ணிலா வீடு', ‘அம்மாவின் கைப்பேசி’, ‘நினைத்தது யாரோ’, ‘காதலுக்கு கண்ணில்லை’, ‘கதை திரைக்கதை வசனம் டைரக்‌ஷன்’ உட்பட ஏராளமான படங்களில் அம்மா மற்றும் குணச்சித்திர கதாபாத்திரங்களில் நடித்து பாராட்டைப் பெற்றார்.