தவம்

தவத்துக்கு பலன் கிடைத்ததா?

சென்னையில் நல்ல வேலையில் இருக்கும் நாயகி பூஜாஸ்ரீ, தன்னை பெண் பார்க்க வரும் மாப்பிள்ளைகளை ஏதாவதொரு காரணம் சொல்லி தவிர்த்து வருகிறார். அதற்கான காரணம்,  கிராமத்து இளைனான வசி மீதான காதல். பூஜாஸ்ரீ- வசி காதலுக்கு வில்லனாக அவர்களது குழந்தைப்பருவ நண்பர் வருகிறார்.

காதலர்களின் முடிவைச் சொல்லவரும் காதல் கதையுடன், விவசாய நிலங்களை அபகரித்து மக்களுக்கு கேடு விளைவிக்கும் கெமிக்கல் தொழிற்சாலை கட்ட நினைக்கும் கூட்டத்திற்கு எதிராகப் போராடும் சீமானின் கதையும் வருகிறது. இந்த இரண்டு கதைகளுக்கும் உள்ள தொடர்பும், காதல் ஜோடி சேர்ந்தார்களா,  இல்லையா, சீமான் தனது போராட்டத்தில் வெற்றிபெற்றாரா, இல்லையா  என்பதும்தான் படத்தின் மீதிக்கதை.

நாயகன் வசி நல்வரவு. கமர்ஷியல் பட நாயகனுக்குரிய எல்லா அம்சங்களோடும் இருக்கிறார். சண்டை மற்றும் நடனக்காட்சிகளில் தூள் கிளப்பு கிறார். நாயகி பூஜா நடிப்பில் மட்டும் கவனம் செலுத்தாமல் அங்க அசைவுகள் மூலம் உடல் அழகையும் காண்பித்து கவனிக்கவைக்கிறார். நகைச்சுவைக்கு பிளாக்பாண்டி, சிங்கம்புலி, தெனாலி, வெங்கல்ராவ் எனப் பலர் இருந்தும் காமெடி ஏரியா வீக்காக இருக்கிறது.  சிறிய வேடமாக இருந்தாலும் போஸ் வெங்கட் கவனிக்க வைக்கிறார்.