கடந்த ஆறு மாதங்களாகவே இந்தியா முழுவதும் மம்ப்ஸ் எனப்படும் பொன்னுக்கு வீங்கி நோய் அதிகரித்துள்ளது. சமீபமாக கேரளாவிலும், தமிழகத்திலும் இந்நோயின் தாக்கம் கூடியுள்ளது. குறிப்பாக கேரளாவில் ஒரு மினி தொற்றுப் பரவல் போல இந்நோய் பரவி வருகிறது. 

கடந்த மூன்று மாதத்தில் மட்டும் கேரளாவில் 15 ஆயிரத்து 600 மம்ப்ஸ் கேஸ்கள் பதிவாகியுள்ளன. மார்ச் மாதம் மட்டும் 6 ஆயிரத்து 500 கேஸ்கள் பதிவாகியுள்ளதாக மருத்துவர்கள் தெரிவிக்கின்றனர்.

தமிழகத்தைப் பொறுத்தவரை நிறைய பள்ளிக் குழந்தைகளுக்கு இந்நோய் பரவி வருகிறது. மார்ச் மாதம் மட்டும் இங்கே 461 கேஸ்கள் பதிவாகியுள்ளன. இது தெரிய வந்த கணக்கு மட்டுமே. தெரியப்படாமல் வீட்டிலேயே இருக்கும் குழந்தைகளின் எண்ணிக்கை அதிகமிருக்கலாம். தவிர, சிலருக்கு மீசல்ஸ் எனப்படும் தட்டம்மை நோயும் காணப்படுகிறது. 

இந்நோய்கள் எதனால் வருகின்றன... என்ன செய்ய வேண்டும் என்பது குறித்து மதுரை ராஜாஜி அரசு மருத்துவமனையின் குழந்தை நலப் பேராசிரியரும், இந்திய குழந்தைகள் நலக் குழுமத்தின் தமிழ்நாடு பிரிவு எடிட்டருமான டாக்டர் டி.ராஜ்குமாரிடம் பேசினோம்.

சிலருக்கு இடதுபுறம் வீங்கலாம். சிலருக்கு வலதுபுறம் வீங்கலாம். அல்லது ரெண்டு பக்கமும் வீக்கங்கள் வரலாம். குறிப்பாக, காது மடலுக்கு கீழுள்ள பகுதிகளில் வீக்கத்தால் வலி உண்டாகும்.

ஒன்று மூளையைத் தாக்கி, மூளைக் காய்ச்சலை உண்டாக்கலாம். ஒருமாதிரி மயக்கமாக வருது, ரொம்ப சோர்வாக இருக்கு என்றால் அது மூளைக் காய்ச்சலுக்கான அறிகுறியாக இருக்கலாம். இரண்டாவது கணையத்தை வீங்கச் செய்யலாம். 

அதாவது குழந்தைக்கு வயிற்றுவலியோ, வாந்தியோ வந்தால் அப்ப கணையம் பாதிக்கப்பட்டிருக்க வாய்ப்பு உள்ளது.

ஊட்டச்சத்தான உணவுகள் கொடுக்கணும். குறிப்பாக காய்கறிகள், கீரைகள், பழங்கள், முட்டை சாப்பிடணும். அப்புறம், நிறைய தண்ணீர் குடிக்கணும். நீராகார உணவுகள் ரொம்ப நல்லது. கூழ், சூப், இளநீர், பழச்சாறு உள்ளிட்டவை அருந்தலாம். ஐஸ் போடாமல் நீர்ச்சத்து இருக்கிறமாதிரி குழந்தைகளைப் பார்த்துக்கிட்டாலே போதும். 

வெகுசீக்கிரம் மீண்டு வந்திடுவாங்க.பொதுவாக, மக்கள் காய்ச்சல் வந்தால் சாப்பாட்டைக் குறைக்கணும்; பத்திய சாப்பாடு மாதிரி சாப்பிடணும்னு எல்லாம் சொல்வாங்க. இந்நோய்களுக்கு அப்படித் தேவையில்ல. வீட்டுச் சாப்பாட்டை எப்போதும்போல் எடுத்துக்கலாம்.

இதில் தட்டம்மையும் இப்போது சிறிய அளவில் பரவுது. இதுவும் பொது சுகாதார பிரச்னைதான். ஆண்டுக்கு இந்தியாவில் 50 ஆயிரம் குழந்தைகள் தட்டம்மையால் இறக்குறாங்க. நிமோனியா, வயிற்றுப்போக்கு, ஊட்டச்சத்துக் குறைபாடு உள்ளிட்டவையும் தட்டம்மையால் ஏற்படும்.

இந்நோயின் முதல் அறிகுறி சளி, இருமல், மூக்கு ஒழுகுதல் ஆகியவற்றுடன் காய்ச்சல் வரும். காய்ச்சல் வந்து நான்காவது நாள் உடல் முழுவதும் சிவந்த புள்ளிகள் போல அம்மை வரும். இந்த அம்மை நான்கு நாட்களுக்குப் பிறகே குறையும். இது ரொம்ப வேகமாகப் பரவக்கூடியது. ஒரு குழந்தைக்கு வந்தால் எல்லா குழந்தைகளுக்கும் வந்திடும்.

ஆனால், இந்த எம்எம்ஆர் தடுப்பூசி பல ஆண்டுகளாக தனியார் மருத்துவமனைகள்ல மட்டுமே போடப்பட்டு வருது. அரசு மருத்துவமனைகள்ல இந்த எம்எம்ஆர் கிடையாது. முன்னாடி மத்திய அரசு மீசல்ஸ் தடுப்பூசி மட்டுமே போட்டு வந்தாங்க. இந்திய குழந்தைகள் நலக் குழுமம்தான் மத்திய அரசுகிட்ட தொடர்ந்து இதுகுறித்து வலியுறுத்திக் கொண்டே வந்தது.

முன்னாடியே சொன்னதுமாதிரி மம்ப்ஸ் வைரஸால் சிலருக்கு மூளை, கணையம் பாதிக்கப்படலாம். அப்புறம் சமீபத்திய ஆய்வுகள்ல மம்ப்ஸால் விதைப்பையும், சினைப்பையும் பாதிக்கப்படுற குழந்தைகள் எதிர்காலத்துல வளர்ந்து திருமணமானபிறகு அவங்களுக்குக் குழந்தையின்மைக்கு வழிவகுக்கும்னு தெரிய வந்திருக்கு. 

இதனால், மத்திய அரசிடம் மம்ப்ஸுக்கும் சேர்த்து எம்எம்ஆர் தடுப்பூசியை அரசு மருத்துவமனைகளிலும் கொண்டு வாங்கனு கேட்குறோம். ஆனால், மத்திய அரசு இதுரை எந்த பதிலும் அளிக்கல. ஒருவேளை எம்எம்ஆர் தடுப்பூசி  கொண்டு வந்தால் மம்ப்ஸ் பாதிப்பும் வருங்காலத்தில் பெரியளவில் இருக்காது.