‘‘என் முதல் ரிலீஸே தலைவரோட! வானத்துல பறந்துட்டிருக்கேன் தலைவா! ‘பேட்ட’ பொங்கலா இந்த ஆண்டு எனக்கு அமையும்னு துளிக்கூட எதிர்பார்க்கலை!ஸ்கூல் படிக்கிறப்பவே தலைவர் ஃபேன். ஒரேயொரு செல்ஃபியாவது அவரோடு எடுத்துக்கணும்னு கனவு கண்டேன்.

பார்த்தா ரஜினி சாரோடயே நடிச்சுட்டேன்! அதுவும் ‘உங்க ஸ்டைல்ல அடிச்சுக்க ஆளே இல்லை’னு சொல்ற டயலாக் எனக்குத்தான் அமைஞ்சது!

காவியமா என்ன..? சொல்லிட்டா போச்சு! அப்பா, அம்மா ரெண்டு பேருமே ஃபிலிம் மேக்கிங், விளம்பரப் படத்துறைல இருக்காங்க. அம்மா நிறைய கமர்ஷியல் விளம்பரங்களுக்கு ஸ்கிரிப்ட்ஸ் எழுதியிருக்காங்க.

அப்பாவுக்கு சினிமா இண்டஸ்ட்ரில நண்பர்கள் அதிகம். கேமராமேன் மணிகண்டன் சார், திரு சார், எடிட்டர் ஆண்டனி, கவுதம்மேனன் சார் எல்லாருக்குமே என்னைத் தெரியும். அவங்க என்னை நடிக்க கேட்கும் போதெல்லாம் ஸ்கூல் படிப்பு முடியட்டும்னு சொல்லியிருக்கேன்.

சும்மா ஜாலிக்காக பாலாஜி சாரை போய் பார்த்தேன். ஆடிஷன்ல கலந்துகிட்டேன். செலக்ட் ஆகிட்டேன்! அதுல ஜெயராம் சார் பையன் காளிதாஸ் ஜோடியா நடிச்சிருக்கேன். விரைவில் அந்தப் படம் ரிலீசாகப் போகுது.

இந்தப் பட ஷூட்டிங் நடக்கிறப்பவே கவுதம்மேனன் சாரோட ‘என்னை நோக்கி பாயும் தோட்டா’ ஆஃபர் வந்தது. கவுதம் சார் படமாச்சே! மிஸ் பண்ணத் தோணுமா? அதுவும் தனுஷ் சாரோட ஜோடி. பெரிய யெஸ் சொன்னேன்! அடுத்து தெலுங்கில் ‘லை’ (பொய்), ‘சல் மோகன ரங்கா’ பண்ணினேன். ரெண்டுமே டோலிவுட்ல ரிலீஸ் ஆகி, அங்கயும் ஒரு ஆக்ட்ரஸா ஃபார்ம் ஆகிட்டேன்!

தமிழ்ல அடுத்து அதர்வா ஜோடியா ‘பூமராங்’ பண்ணியிருக்கேன். ‘இவன் தந்திரன்’ ஆர்.கண்ணன் சார் இயக்கியிருக்கார்.என்ன சொல்றாங்க தனுஷும் அதர்வாவும்..? ‘பூமராங்’ல ரொம்ப க்யூட்டான கேரக்டர்.

அதர்வாவுடன் காம்பினேஷன் சீன்ஸ், டூயட் எல்லாம் இருந்தாலும் அவர்கிட்ட அவ்வளவா பேசினதில்ல. அந்தமான்ல ஒரு பாடல் ஷூட் போயிட்டு வந்தோம். அது மனசுக்கு பிடிச்ச லொக்கேஷனாகிடுச்சு. பொதுவாவே எனக்கு கடல் பிடிக்கும். கடலை கண்ணுக்குள்ளயே க்ளிக் பண்ணிட்டு வந்துட்டேன்!  

‘என்னை நோக்கி பாயும் தோட்டா’ என் ரெண்டாவது படம். சினிமால எப்படி இருக்கணும்..? ஸ்கிரீனில் என்ன தேவை... இதெல்லாம் அதுல கொஞ்சம் இம்ப்ரூவ் ஆகியிருக்குனு நினைக்கறேன். காரணம் தனுஷ் சார்.நடிப்பு சம்பந்தமா நிறைய விஷயங்கள் கத்துக்கொடுத்தார்.

துருக்கில ஒரு பாடல் ஷூட் போயிட்டு வந்தேன். அப்ப அங்க செம வெயில். காலை ஒன்பது மணிக்கு தொடங்கின ஷூட், முடிய நைட் ஆகிடுச்சு. தொடர்ந்து மூணு நாட்கள் அங்க ஷூட். மொழி தெரியாத ஒரு ஹோட்டல்ல மாட்டிக்கிட்டது மறக்க முடியாத கலகல மொமன்ட்.