COFFEE TABLE

அன்பான திருடன்!

கனடாவின் ஒன்டாரியோ மாகாணத்தைச் சேர்ந்த ஒருவர்தான் இணையத்தில் ஹாட் வைரல். பெயர் வெளியிட விரும்பாத அவரின் வீட்டுக்குள் திருடன் புகுந்து பணம், கேமரா உட்பட பலவற்றை திருடிக்கொண்டு போய்விட்டான். நிலைகுலைந்து போனவர், ‘‘எனக்கு பணம் வேண்டாம். கேமரா வேண்டாம்.

நீ எடுத்துக்கொண்டு போன எந்தப் பொருளும் வேண்டாம். தயவுசெய்து கேமராவில் உள்ள மெமரி கார்டை மட்டும் என் வீட்டு அஞ்சல் பெட்டியில் போட்டுவிடு...’’ என்று ஒரு கடிதம் எழுத, அதை அவரின் நண்பர் இணையத்தில் வெளியிட, வைரலாகிவிட்டது அக்கடிதம்.
அந்த மெமரி கார்டில்தான் அவர் மிகவும் நேசித்த நாயின் புகைப்படம் உள்ளது. சில நாட்களுக்கு முன் அந்த நாய் இறந்துவிட்டது. திருடன் மெமரி கார்டை திருப்பிக்கொடுத்ததுதான் ஹைலைட்!

ஹாட்ஷிமா!

தெலுங்கில் இரண்டே இரண்டு படங்கள்தான் நடித்திருக்கிறார் ‘கொலைகாரன்’ ஆஷிமா நர்வல். ஆனால், இன்ஸ்டாவில் ஐம்பதாயிரம் ஃபாலோயர்களுடன் அசத்துகிறது பொண்ணு. கூடவே ‘மிஸ் இந்தியா குளோபல்’, ‘மிஸ் ஆஸ்திரேலியா எலிகன்ஸ்’ என கெத்து பயோடேட்டாஸ் வேறு! ‘‘கடல் பிடிக்கும். கடலலைபிடிக்கும்...’’ என ஆனந்தமாகும் ஆஷிமா, இந்தக் கோடையை அபுதாபியில் உள்ள லிவா பாலைவனத்தில் கொண்டாடி மகிழ்ந்திருக்கிறார். அந்த ‘ஹாட்’ (அதாங்க... வெயிலு!) தருணங்களை இன்ஸ்டாவில் பதிவிட்டு ஹார்ட்டின்களை அள்ளிவிட்டார்.

தூசு புகாத கேமரா!

‘சாம்சங்’ நிறுவனத்தின் ‘கியர் 360’ என்ற கேமரா மனதை அள்ளுகிறது. 4K தரத்தில் 360 டிகிரி கோணத்தில் நமக்கு விருப்பமான எல்லாவற்றையும் இதில் வீடியோவாக்க முடியும். அத்துடன் இதிலுள்ள வைடு ஆங்கிள் லென்ஸ் மூலம் 180 டிகிரி கோணத்திலும் வீடியோக்களை க்ளிக் செய்யலாம். எடை குறைவு. வெப் கேமராவாகவும் இதைப் பயன்படுத்திக்கொள்ளலாம். தண்ணீர், தூசு புகாது  என்பது இதன் சிறப்பு. விலை. ரூ.19,700.

கரடுமுரடு ரெஜி!