கேரள மாநிலம் திருவனந்தபுரத்தில் உள்ள பத்மநாபசுவாமி கோயில் நிர்வாகத்தினை கேரள அரசின் கீழ் இயங்கும் தேவசம் போர்டு மேற்கொள்வதா அல்லது மன்னர் குடும்பத்தினர் நிர்வகிப்பதா என்பது தொடர்பான வழக்கு உச்ச நீதிமன்றத்தில் விசாரணைக்கு வந்தது.

அந்த வழக்கில், “திருவிதாங்கூர் மன்னரின் இறப்பு அரச குடும்பத்தின் சொத்துகள் மற்றும் உரிமைகளைப் பாதிக்காது. எனவே, கேரள பத்மநாபசுவாமி கோயில் நிர்வாகத்தின் மீது திருவிதாங்கூர் மன்னர் குடும்பத்துக்கு உரிமை உள்ளது. அந்தக் கோயிலின் நிர்வாகத்தை மேற்பார்வையிட திருவனந்தபுரம் மாவட்ட நீதிபதி தலைமையில் ஓர் இடைக்காலக் குழுவை அமைக்க உச்ச நீதிமன்றம் அனுமதி வழங்குகிறது.

அந்தக் கோயிலில் இருக்கும் ரகசிய அறைகள் திறக்கப்படுவது தொடர்பாக இடைக்காலக் குழு முடிவு செய்யும். இடைக்காலக் குழுவில் இந்து அல்லாதவர்கள் இடம்பெறக் கூடாது. இடைக்காலக் குழுவின் முடிவே இறுதியானது...” என்று உச்சநீதிமன்ற நீதிபதிகள் தீர்ப்பளித்துள்ளனர்.

திருவிதாங்கூர் ஆட்சியில் பல்வேறு போர்கள் நடந்தன. எண்ணற்ற வெற்றிகளும் குவிந்தன. இதில் 17ம் நூற்றாண்டில் நிகழ்ந்த ‘குளச்சல் போர்’ முக்கியமானது.திருவனந்தபுரம் தலைநகரை வெற்றி பெறவேண்டும் என்பதற்காக டச்சுப் படைகள் குளச்சல் பகுதி கடலில் கப்பல்களை நங்கூரமிட்டு போருக்காகக் காத்திருப்பதாக மன்னருக்கு செய்தி வந்தது. உடனே அப்படைகளை எதிர்க்க 14 ஆயிரம் வீரர்களை மன்னர் அனுப்பினார்.

தொலைவிலிருந்து யார் பார்த்தாலும் அது பீரங்கி போல் தெரியும்! அப்படித்தான் டச்சுப் படைகளும் நினைத்து கரைக்கு வர அஞ்சின. இதனைப் பயன்படுத்தி இரவில் டச்சுக் கப்பலுக்குள் நுழைந்து அவர்களது படைத்தளபதியான டிலனாய் என்பவரைக் கைது செய்தனர்.

இதனையடுத்து ‘இனிமேல் எந்த நகைகள் எடுத்தாலும் அது குறித்து குறிப்பு எழுதி வைக்க வேண்டும்’ என்ற வழக்கம் அமலுக்கு வந்தது.

இப்படி சிறுகச் சிறுக பிரச்னைகள் வெடிக்கத் தொடங்கின. இந்நிலையில் ஒருநாள் கோயில் கருவறை சுத்தம் செய்யப்பட்டது.பத்மநாபசுவாமி கோயில் கருவறையில் மின்விளக்குகள் கிடையாது.

எண்ணெய் விளக்குகள் மட்டும்தான். எனவே புகைபடிந்திருந்த கருவறை சுவர்களை சுத்தம் செய்தபோது கருவறையே தங்கத்தால் மின்னியது! கருவறையிலேயே இவ்வளவு தங்கம் இருக்கிறதென்றால்... நிலவறையில் எவ்வளவு இருக்கும்..? நிலவறைக்குள் மன்னர் குடும்பத்தினரைத் தவிர வேறு யாரும் செல்ல முடியாது என்று எழுதப்படாத கட்டளை இருப்பதன் காரணம் இதுதானா...

இந்த வழக்கை விசாரித்த கேரள நீதிமன்றம், கோயில் நிர்வாகத்தை அரசு கவனிக்க வேண்டும் என 2011ம் ஆண்டு உத்தரவிட்டது. இதை எதிர்த்து திருவிதாங்கூர் அரச குடும்பம் உச்ச நீதிமன்றத்தில் மேல்முறையீடு செய்தது. அந்த விசாரணையில், கேரள நீதிமன்றத்தின் தீர்ப்புக்கு இடைக்காலத் தடை விதித்த உச்ச நீதிமன்றம், இரண்டு முன்னாள் உச்சநீதிமன்ற நீதிபதிகள் முன்னிலையில் ரகசிய நிலவறைகளைத் திறக்க உத்தரவிட்டது.

ஆனால், 13வது அறையை மட்டும் திறக்க மன்னர் குடும்பம் அனுமதிக்கவில்லை. அந்த அறையின் கதவு வெண்கலத்தால் ஆனது.

ஆளுயர பாம்பு சிற்பம் அக்கதவின் மீது செதுக்கப்பட்டிருக்கிறது. ‘பல நூற்றாண்டுகளாக இந்தக் கதவு திறக்கப்படாமலேயே இருக்கிறது. இக்கதவைத் திறந்தால் நாட்டுக்கு தோஷம் ஏற்படும் என்பதால் எந்த மன்னரும் இக்கதவைத் திறக்கவில்லை...’ என மன்னர் குடும்பத்தினர் தெரிவிக்கின்றனர்.