நோயாளியை சினிமா பார்க்கச் சொல்லிவிட்டு, ஓர் அறுவை சிகிச்சையை அவருக்கு மேற்கொண்டால் எப்படியிருக்கும்?

‘‘முதல்ல நோயாளியைப் பற்றியும் அவருக்கான பிரச்னை பற்றியும் சொல்லிடறேன்” என்ற படியே நம்மிடம் பேசத்தொடங்கினார் மருத்துவர்  ஜான் விஸ்வநாத். ‘‘அவர் பெயர் விஜய் பாண்டியன். 24 வயது இளைஞர். சேலம் மாவட்டம் கெங்கவல்லி பக்கம் கொண்டையம்பள்ளியைச் சேர்ந்தவர். இவர் கன்னியாகுமரி அருகே தக்கலையில் வேலை செய்றார்.

அப்ப அவங்க தசைநாண் நரம்பு கட்டானதை கவனிக்காமல் தோலை மட்டும் வச்சு தைச்சிடுறாங்க. வீட்டுக்கு வந்ததும் விஜய்க்கு மோதிர விரலை நீட்ட முடியல. மடங்கிடுது. வலியால் ரொம்ப அவதிப்படுறார்.

உடனே, தனியார் மருத்துவமனைகளை நாடியிருக்கார். அவங்க இதுக்கு மூணு முதல் ஐந்து லட்சம் ரூபாய் வரை செலவாகும்னு சொல்லியிருக்காங்க. பிறகு, அரசு மருத்துவமனைகளுக்குப் போயிருக்கார். அங்க பிளாஸ்டிக் சர்ஜரி துறை இருக்கக்கூடிய சென்னை ஸ்டான்லி, ராஜீவ்காந்தி, வேலூர் சிஎம்சி ஆகிய மருத்துவமனைகள்லதான் இதை சரிபண்ணமுடியும்னு சொல்லியிருக்காங்க.

‘‘இந்த அறுவை சிகிச்சை அதிநவீன தொழில்நுட்பம் கொண்டது. துவரங்குறிச்சியில் இருப்பது துணை தாலுகா மருத்துவமனை. ரொம்ப சின்னது. இதுமாதிரியான மருத்துவமனைகள்ல இப்படியான அறுவை சிகிச்சை பண்றதில்ல.

ஆனா, நாங்க செய்றோம். இது சிக்கலான அறுவை சிகிச்சையும் கூட. அவரின் மோதிர விரல் நுனியிலிருந்து மணிக்கட்டு வரை 16 செமீ நீளத்துக்கு தசைநாண் நரம்பு கட்டாகியிருந்தது. இதற்கு அதே கையில் முன்பக்கமுள்ள நரம்புல அதே அளவு நீளத்துக்கு நரம்பை வெட்டியெடுத்து, சிதைந்து போன மோதிர விரல்ல பொருத்தியிருக்கோம்.

இதுதவிர, நோயாளிகளும் இதற்கு ஒத்துழைப்பு கொடுக்கணும். ஏன்னா, நிறைய நோயாளிகள் பயந்திடுவாங்க. ‘அறுவை சிகிச்சை செய்கிற நேரம் சினிமா பாருங்க’னு சொன்னா கேட்பாங்களா? ஆபரேஷன் தியேட்டரைப் பார்த்தாலே மயக்கம் போடும் நோயாளிகளைக் கட்டாயப்படுத்த முடியாது.

நோயாளிகள் தைரியமா இருந்து நமக்கு ஒத்துழைப்பு தந்தால் மட்டுமே இது சாத்தியம். அதேநேரம், நாமும் அறுவை சிகிச்சைக்கென உள்ள நெறிமுறைகளையும் மீறக்கூடாது. அதனால, பயப்படுகிற நோயாளிகளுக்கு இந்த முறையைப் பரிந்துரைக்கிறதில்ல.

நான் எலும்பு மூட்டு அறுவை சிகிச்சை நிபுணரா இருக்கிறதால இங்கே என் துறையில் மட்டும் பனிரெண்டு மூட்டு மாற்று அறுவை சிகிச்சைகளை செய்திருக்கேன். இந்த மூட்டு மாற்று அறுவை சிகிச்சை எல்லாம் ஒருகாலத்துல சென்னை ராஜீவ்காந்தி மருத்துவமனையில்தான் செய்யும்படி இருந்தது. இப்ப நாங்க சாதாரணமா துணை தாலுகா மருத்துவமனையில் செய்திட்டு இருக்கோம்.

தவிர ரத்தக்குழாய் அறுவை சிகிச்சை, பிளாஸ்டிக் அறுவை சிகிச்சை எல்லாம் இங்க பண்றோம். உந்துதல் இருந்தால்போதும், எந்த மருத்துவமனையிலும் எந்த சாதனையையும் செய்யலாம்.