‘கோலமாவு கோகிலா’, ‘டாக்டர்’, ‘பீஸ்ட்’, ‘ஜெயிலர்’ என தொடர் வெற்றியால் தமிழ் சினிமாவின் கவனத்தை தன் பக்கம் திருப்பியவர் இளம் இயக்குநர் நெல்சன். இப்போது ‘ஃபிலமென்ட் பிக்சர்ஸ்’ என்ற தயாரிப்பு நிறுவனம் தொடங்கி ‘பிளடி பெக்கர்’ படத்தை தயாரித்துள்ளார். 

அதிவேகமாக வளர்ந்து வரும் கவின் ஹீரோவாக நடித்துள்ளார். அறிமுக இயக்குநர் சிவபாலன் முத்துக்குமார் இயக்கியுள்ளார். இவர் நெல்சனிடம் சினிமா கற்றவர். ரிலீஸ் பரபரப்பில் இருந்த சிவபாலனிடம் பேசினோம்.

படத்தோட ஐடியாலாஜி என்னன்னு கேட்டீங்கன்னா, ஹீரோவுக்கு எந்த ஆசையும் இருக்காது. அதனால ‘என் இஷ்டத்துக்கு இருக்கிறேன். வேலைக்கு போகமாட்டேன். யாரும் என்னை கேள்விகேட்க முடியாது. அந்த உரிமையும் யாருக்கும் இல்லை. உங்களுக்கு வாழ்க்கை மீது ஆசை இருக்கு. அதனால அதைப் பிடிச்சுட்டு போறீங்க. 

எங்கிட்ட எதுவுமே இல்லாததால நான் இப்படி இருக்கிறேன்’ என்ற மனநிலையை சார்ந்தவர்.இந்த ஐடியாலஜியில் இருக்கும் ஹீரோவுக்கு ஒரு நாள் விசித்திரமான ஆசை வருது. அந்த ஆசையை நிறைவேற்ற நினைக்கும் போது வரும் பிரச்னைகளை சுவாரஸ்யமான திரைக்கதையில் சொல்லியிருக்கிறேன்.

கதை எழுதி முடிச்சதும், பெக்கர் கேரக்டர்ல யாரை நடிக்க வைக்கலாம்னு யோசிக்க ஆரம்பிச்சேன். ஏற்கனவே அந்த மாதிரி கேரக்டர்ல நடிச்சவங்ககிட்ட போலாம்னுதான் முடிவு செஞ்சேன்.

பப்ளிக் ரெஸ்பான்ஸ் எப்படி யிருக்குன்னு பார்க்கலாம்னு ரோட்ல இறக்கிவிட்டோம். ஆட்டோல இருந்த ஒரு அம்மா 20 ரூபா பிச்சை போட்டார்.

படத்துல லவ் இருக்கும். ஆனால், ஜோடி கிடையாது. இதுல தெரிஞ்ச முகம் என்றால் ரெடின் கிங்ஸ்லி, மாருதி பிரகாஷ்ராஜ், டி.எம்.கார்த்திக் மட்டுமே.

நானும் நெல்சன் சாரும் பத்து வருஷமா பழகி வர்றோம். ‘வேட்டை மன்னன்’, ‘கோலமாவு கோகிலா’, ‘டாக்டர்’ என அவருடன் ஒர்க் பண்ணினேன். இந்தக் கதை ரெடியானதும் அவரிடம் சொன்னேன். ‘நானே தயாரிப்பு நிறுவனம் சொல்றேன்’னு சொன்னார்.அந்த பிராசஸ்ல அவருக்கு என்னுடைய கன்ட்ன்ட் மேல நம்பிக்கை இருந்துச்சு. 

நெல்சன் சார் எதை செய்தாலும் தனித்துவமா இருக்கணும்னு நினைப்பார்.எல்லா மாதிரி கதைகளும் கேட்பார். எல்லா படங்களையும் பார்ப்பார். டைரக்‌ஷன் பண்ணுவதற்கு கதை மீது எவ்வளவு கவனம் செலுத்துவாரோ அதே கவனத்தை படத் தயாரிப்புக்கும் செலுத்துவார்.