ஜோக்ஸ்
இந்த பெட்ல இருந்த பேஷன்ட் எங்கே..?’’ ‘‘பரோல்ல பத்து நாளைக்கு வீட்டுக்கு அனுப்பி யிருக்கோம்!’’ - வீ.விஷ்ணு குமார், கிருஷ்ணகிரி.
‘‘நான்தான் சொன்னேனே சார்... எனக்கு தூக்கத்துல நடக்கற வியாதி இருக்குன்னு!’’ ‘‘அதுக்காக ஆபீஸ்லேருந்து எழுந்து வீட்டுக்கு போயிடறது நல்லாயில்லை..!’’ - வி.சாரதி டேச்சு, சென்னை-5.
மன பாரத்தோட உங்ககிட்ட வந்தேன். உங்களைப் பார்க்கறதுக்கு முன்னாடியே பாரம் சுத்தமா குறைஞ்சு போச்சு டாக்டர்!’’ ‘‘வர்ற வழியில நர்ஸை பார்த்துட்டீங்களா?’’ - ஆர்.சீதாராமன், சீர்காழி.
‘‘தலைவரே... கூட்டம் உங்களை இன்னும் கொஞ்ச நேரம் பேசச் சொல்லுது...’’ ‘‘ஏன்யா?’’ ‘‘வீசின நாலு செருப்புல, ஒண்ணுகூட உங்கமேல படலையாம்!’’ - பர்வீன் யூனுஸ், ஈரோடு.
பொண்ணு குணம் எப்படி?’’ ‘‘அரைமணி நேர சீரியலுக்கு ஒரு மணி நேரம் அழுவா..!’’ - பெ.பாண்டியன், கீழசிவல்பட்டி.
என்னதான் நகைக்கடைக்காரர் மகனா இருந்தாலும் அவனுக்கு தேர்வுல ‘பாஸ்மார்க்’ போடுவாங்க; அல்லது ‘ஃபெயில் மார்க்’ போடுவாங்க. ‘ஹால்மார்க்’ போடுவாங்களா? - தேர்வு எழுதிவிட்டு மார்க்கை நினைத்து குழம்பிக் கொண்டிருப்போர் சங்கம் - இரா.வசந்தராசன், கிருஷ்ணகிரி.
கடையில தீபத்தை விலைக்கு வாங்கினா இருளைப் போக்கலாம். ஆபத்தை விலைக்கு வாங்கினால்...? - இருட்டை வைத்துக்கூட தத்துவ விளக்குஎரிக்க முயல்வோர் சங்கம் - அ.ராஜப்பன், சென்னை-91.
|