புதுமைப் பெண்ணின் புகுந்த வீடு!

செவ்விது செவ்விது  பெண்மை!

பெண்ணியம் பேசி பெண்களை மேம்படுத்தி புதுமைபெண்ணாக மாற்ற முயற்சி செய்த இந்த சமூகம் அந்த புதுமைப் பெண்ணோடு எப்படி வாழ வேண்டும் என்று ஆண்களுக்கும் அவர்கள் குடும்பத்துக்கும் சொல்லிக் கொடுக்க மறந்துவிட்டது.மாலதி மற்றும் சுமித்ரா - இருவரும் சிறுவயது தோழிகள். இப்போது 30-35 வயது நிலையிலுள்ள இவர்கள், சமகாலப் பெண்கள் எதிர்கொள்ளும் சமூக அழுத்தங்களைப் பற்றி பேசிக்கொண்டிருந்தனர்.

ஒரு மாலை பூங்காவில் அமர்ந்திருந்தபோது, மாலதி தன் காபி கப்பைத் தூக்கி வைத்து சுமித்ராவிடம் சொன்னாள்:

“நம்ம சமூகம் நம்மை ‘புதுமை பெண்கள்’ ஆக்க முயற்சி பண்ணுது. உயர் கல்வி, நல்ல வேலை, தனி வருமானம்-இவற்றை எல்லாம் கற்றுக்கொடுத்து முன்னேற்றம் கொடுக்குது. ஆனால், அந்த புதுமைப் பெண்ணோடு எப்படி வாழ வேண்டும் என்பதை ஆண்களுக்கும், குடும்பத்தில் இருக்கும் யாருக்கும் யாரும் சொல்லித் தரவே இல்ல.”

சுமித்ரா சிரித்தாள்.“அப்படியேதான். என் அலுவலகத்தில் என் உடன் பணியாற்றுகிறவர்கள் எல்லாம் நான் பதவி உயர்வு பெற்ற போது கைத்தட்டி வாழ்த்துச் சொன்னாங்க. ஆனா வீட்டிலும் உறவினர் வட்டத்திலும் கேள்வி கேட்டது ‘இன்னொரு குழந்தை எப்போ?’ என்றுதான். அதாவது, பெண்களை மேம்படுத்தும் சமூகமா இருந்தாலும், பெண்ணோடு வாழும் குடும்பம் இன்னும் பழைய அளவுகோல்தான் வைத்துக்கொள்கிறது.”

புதுமைப் பெண்ணின் சிக்கல் மாலதி ஆழமாகச் சொன்னாள்:

“என் தங்கை 33 வயசு. ஒரு என்.ஜி.ஓ-வின் தலைமை அதிகாரி. நூற்றுக்கணக்கான பெண்களுக்கு உதவுகிறாள். ஆனால், வீட்டாருக்கு அவள் இன்னும் செட்டிலாகவில்லையே என்றுதான் தோன்றுகிறது. சமூகமே பெண்ணை மேம்படுத்திச்சு. ஆனால், அந்த மேம்பட்ட பெண்ணை எப்படி மதிக்கணும், எப்படி சேர்ந்து வாழணும் என்று யாரும் சொல்லவில்லை.”