நீச்சலுடையில் ரெஜினா கஸாண்ட்ரா!இதுநாள்வரை தெலுங்குக்கு மட்டுமே கிடைத்துவந்த ‘தாராளமயம்’, இப்போது தமிழுக்கும் டவுன்லோடாகிவிட்டது. யெஸ்.  ‘ஏதேதோ ஆனேனே... எல்லாமே நீதானே...’ என ‘மிஸ்டர் சந்திரமௌலி’க்காக கடலில் துள்ளிக்குதித்த ஹாட் டால்ஃபினாக கோலிவுட்டை கிறுகிறுக்க  வைத்திருக்கும் ரெஜினாவிடம், ‘‘அப்ப இனி தொடர்ந்து உங்ககிட்ட கிளாமரை எதிர்பார்க்கலாமா?’’ என்றால் முறைக்கிறார்!‘‘எனக்குப் பிடிக்காத வார்த்தை  கிளாமர்! ஸ்விம் சூட்ல நடிக்கறது அவ்வளவு ஈசி இல்ல. அந்த உடை ஃபிட் ஆகற உடல்வாகு இருக்கணும்.

அதுக்கு கண்டிப்பா நாம ஃபிட் ஆக இருந்தாகணும்!  இதுக்கு வெறும் யோகா போறாது. தினமும் ரெண்டு மணி நேரம் நீச்சலடிக்கணும். கடுமையா டயட் மெயின்டெயின் பண்ணணும். உதாரணத்துக்கு ஒரு  இன்ஸிடென்ட் சொல்றேன். தெலுங்குல ‘சுப்ரமணியம் ஃபார் சேல்’ பட ஷூட் அமெரிக்காவுல ஒரு மாசம் நடந்தது. யூனிட்ல அத்தனை பேரும் அங்குள்ள  வெரைட்டி ஃபுட்ஸை செம கட்டு கட்டினாங்க. என்னால வேடிக்கை மட்டுமே பார்க்க முடிஞ்சுது! எதுக்காக சொல்றேன்னா, அவுட்டோர்ல இஷ்டத்துக்கு சாப்பிட  முடியாது. இது மாதிரி நிறைய தியாகம் செய்தாகணும்...’’ என ஆதியோடு அந்தமாக கிளாமரில் இருக்கும் சிரமங்களைப் பட்டியலிடுகிறார் ரெஜினா.