சர்வம் தாளமயம்

இசைக்கருவியை உருவாக்கியவனே, அதில் வித்தை கற்று முன்னெடுப்பதே ‘சர்வம் தாளமயம்’.மிகவும் சராசரி வாழ்க்கை வாழ்ந்துகொண்டு மிருதங்கம் செய்து, அதை பராமரித்தும் வருகிறார் குமரவேல். அவரது மகன் ஜி.வி.பிரகாஷ். ஒரு நடிகரின் ரசிகனாக இருப்பதைத் தவிர வேறு எதையும் உருப்படியாகச் செய்யாத மகன்.

யதேச்சையாக மிருதங்கத்தை வித்வான் நெடுமுடிவேணுவிற்கு சபாவிலேயே கொண்டு போய் தர, எதிரே கூடின கூட்டத்தையும், மிருதங்கத்தில் வேணு போடுகிற விரல் ஆட்டத்தையும் பார்த்து தானே மிருதங்க வித்வான் ஆக ஆசைப்படுகிறார். பிறகான சமயங்களில் அவரது சாதி, சூழல்களால் அவரை அந்த இடத்திற்கு வர விடாமல் தடுக்க முயற்சி நடக்கிறது. எல்லாம் கடந்து ஜி.வி.பிரகாஷ், தான் நினைத்ததை சாதித்தாரா என்பதே மீதிக்கதை.

நம்ப முடியாது. ஆனாலும் உண்மை. மிருதங்கம் கற்கத் துடிக்கும் பீட்டர் ஜான்சனாக அவ்வளவு அழகாக உயிர் தருகிறார் ஜி.வி.பிரகாஷ். விளையாட்டாக முதல்நாள், மேடையில் மிருதங்கம் வாசிக்கப்படும் விதத்தை கவனிக்கிற துறுதுறுப்பு, ஆச்சரியம், உற்சாகம் அத்தனையும் அந்த சிறு கண்களில் அப்படியே பிரகாசிக்கிறது. நடித்து, நடித்து பழக்கம் கைவந்து அருமையான இடத்தில் வந்து நிற்கிறார்.

டைரக்டர் ராஜிவ்மேனனுக்கு கம்பேக் வெல்கம். மிக மிக எளிமையான ட்ரீட்மென்ட். ஆனால், அவ்வளவு வலிமையான உணர்வுகளைப் புகுத்திய விதத்தில் ஸ்கோர் செய்திருக்கிறார். இசையுலகில் இருக்கிற பல விவாதத்திற்கான விஷயங்களை உண்மைக்கு நெருக்கமாக