கஷ்டங்கள் தீர்க்கும் ஆலயங்கள் - 11

பித்ரு சாபம் நீக்கும் விஜயராகவன்

‘‘ஹா... ராமா... ராமா...’’ சத்தமாகக் கூட இல்லை... தீனமாகத்தான் இக்குரல் ஒலித்தது. உடனே ராமன் அங்கு ஓடோடி வந்தான். அழைத்தவரின் நிலையைக் கண்டதும் ராமன் பதறினான். ‘‘ஜடாயு... உங்களுக்கா இந்நிலை..? தந்தையை இழந்த பிறகு தங்களை அல்லவா தந்தையின் இடத்தில் வைத்திருந்தேன்? முதலில் ராஜ்யத்தை இழந்தேன். பிறகு சீதையை. இப்போது உங்களையும் இழக்கப் போகிறேனா..? என்னை மட்டும் ஏன் இப்படித் துன்பங்கள் தொடருகின்றன..?’’