அவரது கைகள் நடுங்குவதை அருகில் இருந்தோர் கவனித்தனர்.உதவியாளர்கள் சிலர் அருகில் வந்து, “முடியாவிட்டால் ஓய்வெடுங்கள் பகவான்...” என்றனர்.அவர்களை பார்வையாலேயே விலகச் சொல்லிவிட்டு ஓஷோ உறுதியான குரலில் முழங்கினார்.“புத்தன் ஆவது சுலபம். நீங்கள் நினைத்தால் ஒவ்வொருவருமே புத்தனாகலாம்.

ஞானி ஆகலாம்!”சொன்னவர் அப்படியே தடுமாறினார். எழுந்து நிற்க முயற்சித்து கீழே விழுந்தார்.கூடியிருந்த பக்தர்கள் பதற்றமடைந்தனர். கைத்தாங்கலாக ஓஷோவை அவரது உதவியாளர்கள் தாங்கிக்கொண்டு, அங்கிருந்து வெளியேறினார்கள்.

1989, ஜூன் மாதம் 25ஆம் தேதி. பகவானை சந்தித்தார் ஜோஷி.படுக்கையில் படுத்திருந்த நிலையிலேயே பேசினார் பகவான்.அவரது உடல் மெலிந்திருந்தது. கண்களில் மட்டும் ஒளி கூடியிருந்தது.”புதிய மனிதன், புதிய உலகம் என்று கனவு கண்டிருந்தேன். ‘அவர்கள்’ எனது கனவை முற்றிலுமாக ஒழித்துவிட்டார்கள் ஜோஷி.

இனி அது நனவாக வாய்ப்பில்லை என்று நினைக்கிறேன்...”“அவர்கள் என்றால் அமெரிக்கர்களா?”“அமெரிக்கர்களும்தான். ஆனால், அவர்கள் மட்டுமல்ல…”“நீங்கள் விரைவில் உடல்நலம் பெறுவீர்கள். உங்கள் கனவு நிறைவேறும்...” தழுதழுத்த குரலில் ஜோஷி சொன்னார்.