‘த்ரிஷா இல்லனா நயன்தாரா’ மாதிரி காஜல் அகர்வாலுக்கு கல்யாணம் ஆனா என்ன... சாக்‌ஷி அகர்வால்தான் இருக்கே... என சொல்ல வைத்துவிடுவார் போல... அப்படி அசத்தல் காஸ்ட்யூம்களில் இன்ஸ்டாவில் தீபாவளி தமாகாவாக ஜொலிஜொலிக்கிறார் சாக்‌ஷி.

‘‘லாக்டவுன் சீஸன்ல எல்லாருமே சிரமப்பட்டாங்க. எல்லாருக்குமே வாழ்வாதாரம் பாதிக்கப்பட்டுச்சு. பலரும் வெளியே எங்கேயும் போக முடியாத சூழல்னு மன அழுத்தத்தினால் கஷ்டப்படுறதை கண்ணால பார்த்தேன். அவங்க எல்லாருக்கும் பாசிட்டிவிட்டியை விதைக் கணும்னுதான் ஃபிட்னஸ் ஷூட், போட்டோஷூட்னு பதிவிட்டு இன்ஸ்டாவில் பாசிட்டிவிட்டியை விதைச்சேன்...’’ என கலர்ஃபுல் மத்தாப்பூவாய் மலர்கிறார்.

என்னைப் பத்தி சிம்பிளா சொல்றதா இருந்தா ஹார்டு ஒர்க்கிங், ரொம்பவே ஸ்டிரைட் ஃபார்வர்ட், பாசிட்டிவ் கேர்ள். அவ்ளோதான். என் லைஃப்ல நான் சினிமாவுல என்ட்ரி ஆவேன், நடிகையாவேன்னு நினைச்சே பார்த்ததில்ல. சின்ன வயசில இருந்து ஐஏஎஸ் ஆபீசர் ஆகணும்னுதான் விரும்பினேன்.

அது கனவாகவே இருந்துச்சு. எங்க வீட்லயும் அதைத்தான் எதிர்பார்த்தாங்க. ஆனா, காலேஜ் டைம் வரும்போது ஐடி துறை பெரிய பூம் ஆச்சு. எல்லாரும் சாஃப்ட்வேர் என்ஜினியரா ஆக விரும்பினாங்க. எம்பிஏவுக்கு பெரிய கிரேஸ் இருந்துச்சு. அதனால கம்ப்யூட்டர் சயின்ஸ், எம்பிஏனு படிச்சேன்.