சன் டிவியில் ஒளிபரப்பாகி வரும் ‘ரோஜா’ சீரியல் பெரும் சாதனைகளைப் படைத்து வருகிறது. சேனலை மாற்றாமல் இல்லத்தரசிகள் விரும்பிப் பார்க்கும் இத்தொடர், தொடர்ந்து டிஆர்பியில் நம்பர் ஒன் இடத்தைப் பிடித்தபடி இருக்கிறது.

இந்த சீரியலுக்கு திரைக்கதை அமைப்பவர் வே.பத்மாவதி @ பத்மா என்னும் பெண் என்பதுதான் ஹைலைட். ஏனெனில் சீரியல் துறையில் ஆண் எழுத்தாளர்களே கோலோச்சி வருகிறார்கள். விரல்விட்டு எண்ணக்கூடிய பெண் எழுத்தாளர்களே இத்துறையில் முத்திரை பதிக்கிறார்கள். அதில் முக்கியமானவர் பத்மா.

‘‘உண்மைல ‘ரோஜா’வுக்கு கிடைக்கற வரவேற்பை பார்க்கப் பார்க்க சந்தோஷமா இருக்கு... அதோட 300வது எபிசோடில் இருந்துதான் நான் திரைக்கதை அமைக்க ஆரம்பிச்சேன்...’’ முகமெல்லாம் மலர பேச ஆரம்பித்தார் பத்மா.‘‘இந்தத் தொடரோட வெற்றிக்கு முதல் காரணம், சன் டிவி.

அடுத்தது ‘சரிகம’வின் ஹெட் ஆன பி.ஆர்.விஜயலட்சுமி மேம், தொடரின் கிரியேட்டிவ் ஹெட் பிரின்ஸ் சார், டைரக்டர் சதாசிவம் சார், வசனகர்த்தா குரு சம்பத்குமார் சார், கேமராமேன் உள்ளிட்ட டெக்னீஷியன்ஸ், திறமையான ஆர்ட்டிஸ்ட்ஸ்னு எல்லாரோட பங்களிப்பும்தான் இந்த சக்சஸுக்கு காரணம்...’’ அழுத்தமாகச் சொல்லும் பத்மா, ஒரு சாஃப்ட்வேர் என்ஜினியர்.

பத்திரிகைல எழுத ஆரம்பிச்ச பிறகுதான் கமிட்மென்ட்டுல - குறிப்பிட்ட நேரத்துக்குள்ள - தரமானதை எழுதிக் கொடுக்கணும்னு தெரிஞ்சுகிட்டேன். அதுக்கு என்னை நானே பழக்கப்படுத்திக்கவும் செய்தேன்...’’ என்கிற பத்மா, கொல்கத்தாவின் விலைமாதர்களைப் பற்றி ‘கைத்தலம் பற்றி’ என்கிற நாவலை எழுதியிருக்கிறார்.

‘‘அந்த நாவல் எழுத ஊக்கம் கொடுத்த நண்பர் அருண்பாரதியையே கைத்தலமும் பற்றினேன்! என் கணவரான அவர் பாடலாசிரியர். விஜய் ஆண்டனி சார், இயக்குநர் சிவா சார், இமான் சார்னு ஒரு நல்ல டீம் அவருக்கு கிடைச்சிருக்கு...’’ கண்சிமிட்டிய பத்மா, ஸ்டோரி டிஸ்கஷனில் பங்கேற்கத் தொடங்கியிருக்கிறார்.

‘‘தினமும் அதிகாலை நாலு மணிக்கு எழுந்துடுவேன். காலை 10 மணி வரை சீன்ஸ் எழுதுவேன். இந்த நேரத்துல மொபைல் தொல்லை, வீட்டு வேலைகள் எல்லாம் இருக்காது. முழுமையா சீன்ஸ் எழுதுறதுல கவனம் செலுத்த முடியும். ஒரு எபிசோடுக்கு அஞ்சு சீன்ஸ் தேவை.

மாசத்துக்கு 80 சீன்ஸ். சில சமயம் நாம எழுதின சீனுக்கான ஆர்ட்டிஸ்ட்ஸ் அன்று கிடைக்க மாட்டாங்க. நாம மனசுல வைச்ச லொக்கேஷன் பல்வேறு காரணங்களால மாறும். இதுமாதிரி நேரங்கள்ல பதட்டமடையக் கூடாது. பொறுமையா, அதுவும் சட்டுனு கிடைச்ச லொக்கேஷனை வைச்சு வேற சீன்ஸ் எழுதணும். இதுதான் திரைக்கதை எழுதுறவங்களுக்கு இருக்க வேண்டிய முக்கியமான குணம், பண்பு, திறமை.

‘‘நிச்சயம் திறமைக்கான அங்கீ காரம் கிடைக்கும். என் கணவரும், குடும்பமும் முழுமையா என்னை சப்போர்ட் பண்றதாலதான் என்னால திரைக்கதை அமைக்க முடியுது. எந்த நேரமும் வீட்லயே எழுதிட்டிருக்க முடியாது. வாரத்துக்கு ஒருமுறையோ இல்ல மாசத்துக்கு ஒருமுறையோ சீரியலுக்கான கதை விவாதங்கள்ல கலந்துக்க வேண்டிய சூழல் இருக்கும்.

திடீர்னு நாம ஸ்பாட்டுக்கு போய் பார்க்க வேண்டியிருக்கும். ‘இந்த சீன்ல கரெக்‌ஷன்ஸ் இருக்கு’னு லேட் நைட்ல போன் வந்தா, பொறுமையா அதை தெளிவா, விளக்கமா எடுத்து சொல்லணும். இதெல்லாம் சவால்கள். ஆனா, கண்டிப்பா சமாளிக்க முடியும்.