இப்போது எவ்வளவு அழகான பேர் வெச்சாலும் அதை இனிஷியல் மாதிரி சுருக்கிடறாங்க. மத்தவங்க சுருக்கிறதை நாமே சுருக்கிடலாம்னு நா.நாராயணன் என்ற பேரை ‘நா நா’னு சுருக்கிட்டேன்.அடிப்படையில் இது பெய்டு கில்லர் கதை. கூலிக்காகக் கொலை செய்யும் ஒருவனின் பயோபிக் என்றும் சொல்லலாம்.

சசி சார் கதைக்குள் வந்ததும் கதையோட பேட்டர்ன் அப்படியே மாறிடுச்சு. அவர் நம்ம மைண்டுக்குள்ள வந்ததும் அவருடைய பாய் நெக்ஸ்ட் டோர் லுக் என்பது தவிர்க்க முடியாததாக இருக்கும். அவருடைய உடல்மொழி, கதைத் தேர்வு என எல்லாமே புதுசாக இருக்கும்.

கதை எதைப் பற்றி பேசுது என்றால், நம்முடைய அன்றாட வாழ்க்கையில் பேசும் வார்த்தைகள், செயல்கள், உணவுத் தேர்வு எல்லாமே நம் இஷ்டத்துக்கு ஏற்ப, நம்முடைய சுதந்திரத்துக்கு ஏற்ப செய்கிறோம்னு நினைத்துக் கொண்டிருக்கிறோம்.உண்மை அதுவல்ல. எல்லாமே நமக்குள் திணிக்கப்பட்டுள்ளது. 

அதை கார்ப்பரேட் உலகத்தில் மைண்ட் மாஃபியானு சொல்கிறார்கள். அவர்கள்தான் நாம் என்ன பேசணும், எதைச் சாப்பிடணும், எதை உடுத்தணும் என்பதை தீர்மானிக்கும் இடத்தில் இருக்கிறார்கள்.அப்படி மைண்ட் மாஃபியா வலையில் சிக்கிய ஒருவன் எப்படி அதிலிருந்து வெளியே வருகிறான் என்பதை பரபரப்பான திரைக்கதையில் சொல்ல முயற்சித்துள்ளேன்.

என்னுடைய ஹீரோக்கள் சரத்குமார், சசிகுமார் என்று முடிவானதும் அவர்களுக்கு ஏத்தமாதிரி ஸ்கிரிப்ட்டை மாத்தி அமைச்சுட்டேன். சரத்குமார் சாருக்கு கதை பிடிச்சு, எத்தனை நாள் கால்ஷீட் வேணும்னு உடனே கமிட்டானார். படப்பிடிப்பு சமயத்துல அவருடைய ஒத்துழைப்பு வேற லெவலில் இருந்துச்சு. 

சசி சார், சரத் சார் இருவரில் யார் ஜெயிக்கப் போகிறார்கள் என்

கதை மும்பையில நடக்கிறதால் வட இந்திய முகம் தேவைப்பட்டுச்சு. சித்ரா சுக்லா சரியா இருந்தார். இன்னொரு ஹீரோயின் ரேஷ்மா, தமிழ்க்காரர். இருவருக்கும் இது முதல் படம் என்றாலும் விளம்பரப் பின்னணியிலிருந்து வந்தவர்கள் என்பதால் என் வேலையை எளிதாக்கிட்டாங்க. 

பிரதீப் ராவத், ரமா, பகவதி பெருமாள், மயில்சாமி உட்பட படத்துல வர்ற எல்லோருக்கும் முக்கியத்துவம் இருக்கும்.கணேஷ் சந்திரா ஒளிப்பதிவு செய்றார். என்னுடன் ‘சலீம்’ பண்ணியவர். டைரக்டர் சொல்வதை கரெக்ட்டா புரிஞ்சு பண்ணுவார். ‘சலீம்’ அவுட்புட் சிறப்பா இருந்துச்சுனு அப்போது நிறைய பேர் சொன்னாங்க. அதைவிட இதுல பல மடங்கு சிறப்பா பண்ணியிருக்கிறார்.