இமாச்சலப் பிரதேசம், கேரளாவுக்கு அடுத்து தமிழ்நாட்டு மக்கள்தான் மாநிலம் விட்டு மாநிலம் அதிகம் புலம்பெயர்வதாக சொல்கிறது அண்மைய ஆய்வு ஒன்று.

இந்த அமைப்புதான் இந்திய தொழிலாளர் தொடர்பான ஓர் ஆய்வறிக்கையை அண்மையில் வெளியிட்டது. அந்த அறிக்கையின் பெயர் ‘இண்டியா எம்ப்ளாய்மெண்ட் சர்வே 2024’. இந்திய தொழிலாளர்களின் வேலைவாய்ப்பு பற்றிய சர்வே அது. 2024 தேர்தலை வேலையின்மைப் பிரச்னைதான் முடிவு செய்யும் என்று இந்திய மக்கள் கருத்து தெரிவித்திருக்கும் இந்த நேரத்தில் இந்தியாவில் வேலைவாய்ப்புக்கான பல்வேறு கோணங்களை இந்த ஐஎல்ஓ ஆய்வு செய்திருந்தது. 

அதில் முக்கியமானது இந்திய மாநில மக்களின் புலப்பெயர்வும், அந்தப் புலப்பெயர்வில் எத்தனை பேர் வேலைக்காக புலம்பெயர்ந்திருக்கிறார்கள் என்ற கண்டுபிடிப்பும். இதில்தான் இமாச்சலப் பிரதேசம், கேரளாவுக்கு அடுத்து தமிழக மக்கள் மாநிலம் விட்டு மாநிலம் அதிகம் புலம்பெயர்வதாக சொல்கிறது ஆய்வு.

உதாரணமாக கேரளத்தின் மொத்தப் புலப்பெயர்வு 41.2 சதவீதம், இமாச்சலப் பிரதேசத்தின் புலப்பெயர்வு 38.1 சதவீதம், தமிழ்நாடு புலப்பெயர்வு 36.3 சதவீதம் என்று சொல்லும் ஆய்வு இதிலும் வேலைக்காக புலம்பெயர்ந்தவர்கள் எத்தனை பேர் என்றும் சொல்கிறது. 

எடுத்துக்காட்டாக கேரளாவில் 37.2 சதவீதம், இமாச்சல் 49.3 சதவீதம், தமிழ்நாடு 46.5 சதவீதம் வேலைக்காக புலம்பெயர்வதாக கண்டுபிடித்திருக்கிறது. வேலைக்காக புலம்பெயர்வதில் இந்த மூன்று மாநிலத்துக்கும் பெரிய வித்தியாசம் இல்லை என்றாலும் இந்த ஆய்வில் பீகார்வாசிகள் எத்தனை பேர் புலம்பெயர்கிறார்கள், அதிலும் வேலைக்காக எத்தனை பேர் புலம்பெயர்கிறார்கள் என்று பார்த்தபோது ஓர் அதிர்ச்சி காத்திருந்தது.

ஆம். பீகாரின் மொத்த புலப்பெயர்வு வெறும் 14.2 சதவீதம்தான். ஆனால், வேலைக்காக புலம்பெயர்வது தமிழ்நாட்டுக்கு நெருக்கமாக 39.0 சதவீதம். பொதுவாக தமிழ்நாட்டில் ஒரு கருத்து உண்டு. ‘பீகார்காரன், உ.பிக்காரன், ஒரிசாக்காரன் எல்லாம் தமிழ்நாட்டில் வந்து வேலை செய்கிறான்... இதனால்தான் தமிழ்நாட்டில் தமிழனுக்கு வேலையில்லாமல் ஆகிவிட்டது’ என்று.

ஆனால், இந்த ஐஎல்ஓ சர்வேயில் எண்ணிக்கை எல்லாம் கொடுக்கப்படவில்லை. ஆனாலும் தமிழக புலப்பெயர்வு, அதிலும் வேலைக்கான புலப்பெயர்வு பற்றி எல்லாம் முன்பு செய்த ஆய்வுகளில் இருந்து தெரிந்துகொள்ளலாம்...’’ என்று சொல்லும் பெர்னார்ட் அந்த ஆய்வுகளையும் பகிர்ந்துகொண்டார்.

‘‘தமிழக புலப்பெயர்வை இரண்டு வகையாக பிரித்துக்கொள்ளலாம். திருமணத்துக்காகத்தான் அதிகமான புலப்பெயர்வு, அதிலும் பெண்கள் புலப்பெயர்வு அதிகம் என தமிழக புலப்பெயர்வையும் சொன்னாலும் அதையும் தாண்டி வேலைக்கான புலப்பெயர்வில் தமிழகத்தின் நிலை என்ன என்று சிந்தித்தால் சில விஷயங்கள் தெளிவு பெறுகின்றன.

அதாவது இரண்டு வகையான வேலைக்காக தமிழக தொழிலாளர்களின் புலப்பெயர்வு அரங்கேறுகிறது. இது இந்தியாவின் மற்ற வேலைக்கான புலப்பெயர்விலிருந்து வித்தியாசப்படுகிறது.