இது தொடர்பாக இரண்டு மாநில உயர்நீதிமன்றங்களும் இரு மாநிலங்களையும் ஆய்வு செய்து நடவடிக்கை எடுக்கும்படிக் கேட்டுக்கொண்டது. 

நிஜத்தில் இன்றைய கேரளா என்பது ஒருகாலத்தில் இருந்தது மாதிரியான பச்சைப் பசேல் என்ற மாநிலம் கிடையாது. முன்பு கேரள மாநிலத்தின் பாதி மக்கள் கிராமத்தில்தான் வாழ்ந்தனர். ஆனால், இன்று நிலைமை வேறு.

2023ம் ஆண்டு கொச்சிக்கு பக்கத்தில் இருந்த பிரம்மபுரம் எனும் ஒரு முனிசிபல் குப்பைக் கிடங்கில் இருந்த குப்பைகள் திடீரென பற்றி எரியத் தொடங்கின. இந்தத் தீயால் கொச்சி மக்கள் அதிகம் பாதிக்கப்பட்டனர். கிட்டத்தட்ட ஒருவாரத்துக்கு நகர மக்களால் கண்களைத் திறக்க முடியவில்லை. 

இந்தச் சம்பவம் கேரளாவையே உலுக்கியது. இந்நிகழ்வுக்குப் பிறகு கேரளாவிலுள்ள குப்பைகளை அப்புறப்படுத்தும் நடவடிக்கை தொடங்கியதாகவும் அதன் விளைவாகவே அருகில் இருக்கும் மாநிலமான தமிழ்நாட்டின் தென்பகுதியில் தங்கள் மாநிலத்தில் சேரும் குப்பைகளை கொட்டத் தொடங்கியதாகவும் சுற்றுச்சூழல்வாதிகள் சொல்கிறார்கள்.  

ஆனால், இந்த ஜீரோ வேஸ்ட் செயல்திட்டம் குப்பைகளை சேராமல் தடுத்ததைவிட இன்னும் அதிகமாக சேரத்தான் உதவியது என்று சொல்கிறார்கள் இது தொடர்பான சமூக ஆர்வலர்கள்.

இதனால்தான் வரும் 2036ம் ஆண்டுக்குள் கேரளாவின் மக்கள்தொகையில் சுமார் 96 சதவீதத்தினர் கிராமங்களைவிட்டு நகரத்துக்கு குடிபெயர்ந்துவிடுவார்கள் என்று எச்சரிக்கிறார்கள். 

இந்த நகரமயமாக்கலும் அதனோடு சேர்ந்த நுகர்வுக் கலாசாரமும்தான் கேரளாவை குப்பைக் காடாக மாற்றிவருவதாக கேரள ஆய்வாளர்கள் பட்டியலிடுகிறார்கள்.குப்பைகளில் இரண்டு வகை உண்டு. ஒன்று மக்கும் குப்பை. மற்றது மக்காத குப்பை. கேரள குப்பையில் 80 சதவீதம் மக்கும் குப்பை. இதனால் பெரிய பிரச்னை இல்லை. இது பெரிய பாதிப்புகளை ஏற்படுத்தாது.