ஒவ்வொரு வருடமும் ‘உலகின் செல்வாக்கான 100 பேர்’ என்கிற பட்டியலை வெளியிடுவது ‘டைம்’ பத்திரிகையின் வழக்கம். சமீபத்தில் 2025ம் வருடத்துக்கான பட்டியலை வெளியிட்டுள்ளது.

இருபது வருடங்களுக்கு முன்பே பிளாஸ்டிக் குப்பைகள் குறித்து பேசிய கடல் உயிரியலாளர்தான், ரிச்சர்ட் தாம்ப்ஸன். மனிதர்களுக்கு மட்டுமல்லாமல் சூழலியலுக்கும் ஆபத்தை விளைவிக்கக்கூடிய மைக்ரோபிளாஸ்டிக்ஸ் குறித்து உலகுக்கு அறிவித்தவரும் இவர்தான். 

ஆம்; மைக்ரோபிளாஸ்டிக்ஸ் என்ற சொல்லை முதன்முதலாக பயன்படுத்தியது தாம்ப்ஸன். பல வருடங்களாக கடல் குப்பைகளைக் குறித்து ஆய்வு செய்து வரும் ரிச்சர்ட், சர்வதேச கடல் குப்பை ஆராய்ச்சி மையத்தை நிர்வகித்து வருவதோடு, கடல் உயிரியல் துறையின் பேராசிரியராகவும் இருக்கிறார்.

வெனிசுலாவின் ‘இரும்பு மனுஷி’ என்று அழைக்கப்படுபவர், மரியா கொரினா மச்சாடோ. வெனிசுலாவை ஆளும் கட்சியின் ஊழல் மற்றும் சர்வாதிகாரத்தை எதிர்த்து நிற்கும் எதிர்க்கட்சி தலைவர் இவர். 

வெனிசுலாவில் அதிக செல்வாக்கான பெண்ணும் இவரே. ஆளும் கட்சியின் ஊழல் மற்றும் பொருளாதார வீழ்ச்சிக்கு எதிராக இவர் நடத்திய போராட்டங்கள் பெரும் அதிர்வை ஏற்படுத்தின. வெனிசுலாவை விட்டு எங்கேயும் செல்ல முடியாமல் தடை செய்யப்பட்டிருக்கிறார் மரியா.

அமெரிக்காவைச் சேர்ந்த புகழ்பெற்ற ஜிம்னாஸ்டிக் வீராங்கனைதான், சைமன் பைல்ஸ். ஒலிம்பிக் போட்டிகளில் 11 பதக்கங்களையும், 30 முறை உலக சாம்பியன்ஷிப் பட்டங்களையும் வென்று ஜிம்னாஸ்டிக்கில் அசைக்க முடியாத வீராங்கனையாகத் திகழ்கிறார். 

எல்லா காலங்களிலும் தலைசிறந்த ஜிம்னாஸ்டிக் வீராங்கனைகளில் ஒருவர் மற்றும் எல்லா காலங்களிலும் சிறந்த ஒலிம்பிக் போட்டியாளர்களில் ஒருவர் எனப் புகழப்படுகிறார் சைமன். இப்போது இவரது வயது 28.

அயர்லாந்தைச் சேர்ந்த புகழ்பெற்ற இசைக்கலைஞர், ஹோசியர். பாடகர், பாடலாசிரியர், இசைக்கலைஞர் என்ற பன்முக ஆளுமை கொண்ட கலைஞர் இவர்.

உலகப் புகழ்பெற்ற ஒப்பனைக் கலைஞர் இவர். எழுத்தாளர், தொழில் அதிபர் என பன்முக ஆளுமையாவும் வலம் வருகிறார். “பாபி எந்தடிரெண்டையும் பின்பற்றுவதில்லை. அவரே புதிய டிரெண்டை உருவாக்குகிறார்...” என்கின்றனர். 

‘பாபி பிரவுன் காஸ்மெடிக்ஸ்’ என்ற நிறுவனத்தை உருவாக்கி, அழகு சாதனப் பொருட்கள் தயாரிப்பில் பாய்ச்சலை உண்டாக்கினார். இவர் உருவாக்கிய நேச்சுரல் - ஷேட் லிப்ஸ்டிக்குகள் அழகு சாதனப் பொருட்கள் துறையில் புரட்சியை உண்டாக்கின. அழகு மற்றும் ஆரோக்கியம் குறித்து ஒன்பது புத்தகங்களை எழுதியிருக்கிறார்.  

மெக்சிகோவின் முதல் பெண் அதிபர் என்ற வரலாறு படைத்தவர், கிளாடியா செயின்பாம். கடந்த வருடம் மெக்ஸிகோவின் அதிபராக தேர்ந்தெடுக்கப்பட்ட போது, சமூக வலைத்தளங்களில் டிரெண்டானவர். 2024ம் வருடத்தின் உலகில் மிகவும் சக்தி வாய்ந்த பெண்களின் பட்டியலை ‘ஃபோர்ப்ஸ்’ பத்திரிகை வெளியிட்டது. 

இதில் நான்காம் இடத்தைப் பிடித்தார் கிளாடியா.அரசியல் மட்டுமல்லாமல் அறிவியலிலும் முக்கியப் பங்காற்றி வருகிறார். கால நிலை விஞ்ஞானியான கிளாடியா, சூழலியல் சார்ந்து இரண்டு புத்தகங்களையும், நூற்றுக்கும் மேலான கட்டுரைகளையும் எழுதியிருக்கிறார்.