‘திரைகடலோடியும் திரவியம் தேடு’ என்பது தமிழ்ப் பழமொழி. திரைகடலோடியும் திரைக்கதை தேடு அல்லது தழுவி எடு என்பது திரையுலக மொழி. தமிழ்த் திரையுலகம், தெலுங்குத் திரையுலகம், மலையாளத் திரையுலகம், இந்தித் திரையுலகம் என வேறுபாடின்றி உலகத் திரையுலகம் மொத்தத்துக்கும் இந்தப் புதுமொழி பொருந்தும்.

தமிழ்த் திரையுலகில் அவ்வப்போது ஒரே கதையைக் கொண்ட பல படங்கள் வெளியாகும். எதனால் அப்படி என்று தேடிப்பார்த்தால், ஒரே வெளிநாட்டுப் படத்தை எல்லா இயக்குநர்களும் பார்த்து அதை இன்ஸ்பிரேஷனாக வைத்து தமிழ்ப்படுத்தியிருக்கிறார்கள் என்று தெரியவரும்.

அதனடிப்படையில் எழுத்தாளர்கள் சங்க நிர்வாகிகள், சம்பந்தப்பட்ட இயக்குநரை விசாரணைக்கு அழைத்தார்கள். விசாரணைக்கு நேரில் சென்ற இயக்குநர், ஐந்தாறு திரைப்படக் குறுந்தகடுகளை எழுத்தாளர்கள் சங்கத்தினரிடம் கொடுத்தார்.

‘இந்தக் குறுவட்டிலிருந்து மையக்கதையை எடுத்துக் கொண்டேன். முதல்பாதி திரைக்கதைக்கு இன்னொரு குறுவட்டு, இரண்டாம் பாதிக்கு மூன்றாம் குறுவட்டு, க்ளைமாக்ஸ் எனும் இறுதிக்காட்சி சிறப்பாக இருக்கவேண்டுமென்பதற்காக இந்தப்படத்திலிருந்து அந்தக் காட்சியை வைத்திருக்கிறேன்.

இதுதான் நான் எடுக்கும் திரைப்படத்தின் கதை. திரைக்கதை எல்லாம் உருவானது இப்படித்தான். நான் சொன்னதை எல்லாம் குறித்து வைத்துக் கொள்ளுங்கள். படம் முழுமையடைந்ததும் நான் உங்களுக்குப் போட்டுக்காட்டுகிறேன். 

அப்போது நான் சொல்வதில் இருக்கும் முழு உண்மை உங்கள் அனைவருக்கும் புரியும். அப்போது தீர்ப்பு சொல்லுங்கள்.இதில் எந்த இடத்தில் என் மீது புகார் கொடுத்தவருக்குச் சொந்தம் என இப்போது கேட்டுச்  சொல்லுங்கள்’ என ஒரே போடாகப் போட்டார்.

ஏனெனில் ரசிகர்கள் லேசுப்பட்டவர்கள் அல்ல. அவர்கள் கதை - ஒன்லைனை விட அதை எப்படி சுவாரஸ்யமாகச் சொல்லியிருக்கிறார்கள் என்றுதான் கண்கொத்திப் பாம்பாகப் பார்த்து கொண்டாடுகிறார்கள்.இப்படிப்பட்ட படங்கள் வளரும் இயக்குநர்களுக்கும் கதாசிரியர்களுக்கும் பாடமாக அமைகின்றன; பென்ச் மார்க்காகத் திகழ்கின்றன. 

உதாரணத்துக்கு ஒன்றைப் பார்க்கலாம். தமிழ்த் திரையுலகின் முன்னணி நட்சத்திரங்கள் என்றால் ரஜினிகாந்த், கமலஹாசன், அஜித், விஜய், சூர்யா, தனுஷ், சிவகார்த்திகேயன், கார்த்தி... உள்ளிட்ட அனைவரும் வந்து விடுவார்கள்.அண்மையில் இவர்களில் சிலர் நடித்த படங்களின் கதை அப்பா - மகன் பாசத்தை மையமாகக் கொண்டவை என்பது எதிர்பாராத ஒற்றுமை.

‘சன் பிக்சர்ஸ்’ தயாரிப்பில் நெல்சன் இயக்கத்தில் ரஜினிகாந்த் நடித்த படம் ‘ஜெயிலர்’. இந்தப் படத்தில், ரஜினிகாந்த் ஓய்வுபெற்ற காவல் அதிகாரி. அவருடைய மகனும் காவல் அதிகாரி. ஒரு வழக்கை விசாரிக்கப் போய் வம்பில் மாட்டி காணாமல் போய்விடுவார். ரஜினிகாந்த், அவரை எப்படித் தேடிக் கண்டுபிடிக்கிறார் என்பதுதான் கதை. 

லோகேஷ் கனகராஜ் இயக்கத்தில் கமல் நடித்த ‘விக்ரம்’ திரைப்படத்தின் கதை என்னவென்று பாருங்கள். மகன் காவல் துறை அதிகாரி. அவர் இரண்டு இலட்சம் கோடி மதிப்புள்ள போதைப் பொருள்கள் கடத்தப்படும்போது அதைத் தடுத்து நிறுத்தி கைப்பற்றி பதுக்கி வைக்கிறார். அதன்பின் அவர் காணாமல் போகிறார். அவரைத் தேடி முன்னாள் உளவாளியான அவருடைய அப்பா செல்கிறார்...

வெங்கட்பிரபு இயக்கத்தில் விஜய் நடிப்பில் வெளியான ‘த கோட்’ திரைப்படத்தின் கதையை அறிந்திருப்பீர்கள். ஏதோவொரு காவல் வகையறாவைச் சேர்ந்த விஜய்யின் மகன் சின்ன வயதிலேயே காணாமல் போகிறார். 

அவர் வளர்ந்து வாலிபனாகும் தருணத்தில் அவரை அவருடைய அப்பா கண்டுபிடிக்கிறார் என்பதுதான் கதை. இப்போது வெளியாகியிருக்கும் ஆதிக் ரவிச்சந்திரன் இயக்கத்தில் அஜித் நடித்திருக்கும் ‘குட் பேட்அக்லி’ படத்தின் கதையும் இதேதான். தாதாவாக இருக்கும் அஜித், காணாமல் போன தன் மகனைத் தேடிக் கண்டுபிடிக்கிறார்.

கார்த்தி நடிப்பில் பி.எஸ்.மித்ரன் இயக்கத்தில் தற்போது தயாராகிக் கொண்டிருக்கும் ‘சர்தார் 2’ படத்தின் கதையும் அப்பா - மகன் சம்பந்தப்பட்ட கதைதான்.