சமீபத்தில் ‘அகோடா’ எனும் டிஜிட்டல் டிராவல் தளம், ஆசிய அளவில் ஓர் ஆய்வை மேற்கொண்டது. ஆசியாவில் சுற்றுலாப்பயணம் மேற்கொள்ளும் சுற்றுலாப்பயணிகள் நீண்ட நாட்கள் தங்கிப் பார்க்கக்கூடிய இடங்கள் எவை என்பதுதான் அந்த ஆய்வு.  இந்த நீண்ட நாள் பயணத்துக்கு அது ‘ஸ்லோ டிராவல்’ என்றும் பெயரிட்டிருந்தது. 

ஒரு சுற்றுலா தளத்துக்கு செல்லும் மக்கள் ஆற, அமர்ந்து அந்த இடங்களை ஆழ , அகலமாக பார்த்து ரசிக்கக்கூடிய அனுபவத்துக்குத்தான் ‘ஸ்லோ டிராவல்’ என்று பெயரிட்டிருந்தது. அப்படி ஆசியாவில் 9 இடங்களைப் பட்டியலிட்ட அந்த தளம் சென்னையையும்  தவிர்க்க முடியாத இடங்களில் ஒன்றாக குறிப்பிட்டிருப்பது தமிழகத்துக்கு பெருமையைச் சேர்த்திருக்கிறது. சரி, வேறு எந்தெந்த நாடுகளில், என்னென்ன இடங்களை அது குறிப்பிட்டிருக்கிறது என்பதையும் பார்ப்போம்.

தாய்லாந்தின் ரயோங் (Rayaong), இந்தோனேசியாவின் கலகொவா (Kalegowa), தென் கொரியாவின் சியோல் (Seoul), ஜப்பானின் டோக்கியோ (Tokyo), வியட்னாமின் நா டிராங்க் (Nha Trang), பிலிப்பைன்ஸின் பொரலே தீவு (Boralay Island), தாய்லாந்தின் தாய்பேய் (Taipei), மலேசியாவின் கோலாலம்பூர் (Kuala Lumpur), மற்றும் இந்தியாவில் சென்னை ஆகிய இடங்கள்தான் அவை.

இந்த 9  இடங்களிலும் நீண்ட நாட்கள் தங்கி பார்க்கக்கூடிய அளவுக்குப் பல விஷயங்கள் இருப்பதால்தான்அவற்றை அந்த ஆய்வு தளம் ‘ஸ்லோ டிராவல்’ என்று பெயர் சூட்டி  பெருமிதம் கொள்கிறது. 

இதில் இடம்பெற்றிருக்கும் ஒவ்வொரு இடமும் பல்வேறு காரணங்களுக்காக ஒரு ஆழமான சுற்றுலா அனுபத்தைத் தருவதாக அந்தத் தளம் சொல்கிறது. ஒருவேளை கோயிலாக இருக்கலாம்; கடற்கரையாக இருக்கலாம். இப்படி இந்த தளம் பட்டியலிடும் இடங்களில் என்ன ஸ்பெஷல் என்பதையும் அந்த தளம் சொல்கிறது.