Correct The Map! குரல் எழுப்பும் ஆப்ரிக்க ஒன்றியம்

உலக வரைபடத்தை சரி செய்யுங்கள் - சமீபமாக ஆப்ரிக்க ஒன்றியத்தில் இருந்து ஓங்கி ஒலித்து வரும் குரல்தான் இது. அங்கே இதற்காகவே, ‘Correct The Map’ என்ற பிரசார இயக்கமும் துவக்கப்பட்டுள்ளது. இதனை ஆப்ரிக்க ஒன்றியத்திலுள்ள 55 நாடுகளும் ஆதரித்துள்ளன.

என்ன பிரச்னை? 

உலக வரைபடம் என்பது பூமியின் அனைத்து மேற்பரப்புகளையும் காட்டும் ஒரு வரைபடமாகும். இதில் ஏழு கண்டங்களும், அதில் உள்ள நாடுகளும், எல்லைகளும், கடற்பரப்புகளும் அடங்கும். இது நாம் அனைவரும் அறிந்தது.இந்த உலக வரைபடத்தில் மிகவும் பிரபலமானது மெர்கேட்டர் ப்ரொஜெக்‌ஷன் (Mercator Projection) வரைபடமே. சுமார் 500 ஆண்டுகளுக்கும் மேலாக இந்த மெர்கேட்டர் ப்ரொஜெக்‌ஷன் முறையே பயன்படுத்தப்பட்டு வருகிறது.