‘‘சினிமாவில் ஸ்டார் ஆகணும். இதுதான் ஆசை, கனவு எல்லாமே. இதோ இப்போ ‘மூக்குத்தி அம்மன் 2’ படத்தில் நயன்தாரா மேடம் கூட டான்ஸ் ஆடறேன்...’’ மகிழ்ச்சியுடன் உற்சாகமாகப் பேசுகிறார் வர்ஷினி வெங்கட்.

இன்ஸ்டாகிராமில் வர்ஷினியின் ஃபிட்னஸ் வீடியோ மற்றும் புகைப்படங்களுக்கு ஹார்ட்டின் விடுகிறார்கள் இளசுகள். சின்னத்திரை ரியாலிட்டி ஷோவின் சென்சேஷன், கையில் அரை டஜன் படங்கள், இதோ இப்போது ‘சொட்ட சொட்ட நனையுது’ திரைப்படத்தின் ரிலீஸ் என படு பிஸியாக இருக்கிறார்.

எட்டு வருஷம் ஆச்சு சினிமாத்துறைக்குள் வந்து. 2016ம் ஆண்டு த்ரிஷா மேடம் மற்றும் அரவிந்த் சார் நடிச்ச ‘சதுரங்க வேட்டை 2’ படத்தில் ஒரு முக்கியமான கதாபாத்திரத்தில் நடிச்சேன். 

குறிப்பா இன்னைக்கு இருக்கிற இன்டர்நெட் உலகத்தில் என்னைத் தெரிஞ்சுக்க ஆரம்பிச்சாங்க. வித்யா மந்திர் பள்ளிப் படிப்பு. தொடர்ந்து பி.எஸ்சி போட்டோகிராபி படிச்சேன். 

ஆனால், யாரையும் தெரியாது; எந்த பின்னணியும் கிடையாது. கண்ணைக் கட்டி காட்டில் விட்ட மாதிரி தேட ஆரம்பிச்சேன். ஒரு சில மாடலிங் வாய்ப்புகளும் வந்தது. அதை செய்ய ஆரம்பித்து அந்த ரூட்டிலேயே பயணிச்சேன். வீட்டில் ஆரம்பத்தில் கொஞ்சம் பயந்தாங்க. 

காரணம், சினிமாத்துறை என்றாலே அங்கே பாதுகாப்பு கிடையாது என்கிற அடையாளம்தான். 

ஆக்சுவலி ஃபிட்னஸ் என்கிறது ஒரு தனி வேலை கிடையாது, அது ஒரு வாழ்க்கை. தினந்தோறுமான பழக்கமா ஏற்படுத்திக்கிட்டா உங்களால் அதிலிருந்து வெளியே வரவே முடியாது. 

எப்படி மூணு வேளை சாப்பிடுகிறோமோ அப்படித்தான் எனக்கு ஒர்க் அவுட். 

இதை வாழ்வியலா ஏத்துக்க ஆரம்பிச்சிட்டா நிச்சயம் ஃபிட்னஸ் பெரிய சவாலா இருக்காது. ஃபிட்னஸ் என்னுடைய லைஃப்ஸ்டைல். அந்த வீடியோக்களைத்தான் நான் இன்ஸ்டாகிராமில் பதிவு செய்வேன்.

அதிலும் ஹீரோ நிஷாந்த் ரூசோ தன்னை சினிமாவில் நிலைநிறுத்திக்க நிறைய மெனக்கெட்டு வருகிறார். 

அதிலும் ஒரு ஹீரோ தன்னுடைய படத்தின் விழாவுக்கு சொட்டைத் தலையுடன் முடி இல்லாமல் படத்தின் கேரக்டரிலேயே வருவதெல்லாம் எந்த நடிகர் செய்வார்? அவ்வளவு டெடிகேஷன் அவர்கிட்ட பார்க்கலாம்.