‘‘என் கணவர் தூக்கத்திலே நடக்கிறார் டாக்டர்..!’’
‘‘வாசல் கதவை பூட்டி வைங்க...’’
‘‘அவரு நடக்கிறது அவங்க ஆபீஸ்லதானே!’’

‘’தலைவர் மேடையில பேசறப்ப தன் காதை பொத்திக்கிட்டு ஏன் பேசுறாரு..?’’
‘‘அவர் பேச்சு அவரே கேட்க முடியாத படி ஆபாசமா இருக்குதாம்..!’’

என்னதான் நகைக்கடைக்காரரா இருந்தாலும், அவரோட கிட்னியிலயும் வெறும்கல்தான் உருவாகுமே தவிர, வைரக்கல் உருவாகாது!
- கேசரி மென்றபடி வைரக்கல் பேசரியை
வேடிக்கை பார்ப்போர் சங்கம்

‘‘ஏட்டய்யா... என்னைப் பார்த்தா காமெடியன் மாதிரியா இருக்கு?’’
‘‘எதுக்கு கபாலி டென்ஷனாகுறே..?’’
‘‘திருடப் போன வீட்டுல நான் கத்தியைக் காட்டுனா, அதைப் பார்த்துட்டு ‘என்ன விலை’ன்னு கேக்கறாங்களே...’’

‘‘ஏன் உங்களை இப்ப டிஸ்சார்ஜ் பண்ண வேண்டாம்ங்கறீங்க..?’’
‘‘நர்சுக்கும் எனக்கும் இன்னும் கெமிஸ்ட்ரி வொர்க் அவுட் ஆகலையே டாக்டர்!’’

நெட்ல மேயறான்னு மனுஷனைச் சொல்லலாம். எட்டுக்கால் பூச்சியை சொல்ல முடியுமா?
- முடிந்ததைக்கூட முடிந்தவரை முடியாது என தட்டிக் கழிப்போர் சங்கம்

கார் நம்பர், பைக் நம்பரை ஃபேன்சியா வாங்கலாம். ஏன், செல் நம்பர்கூட ஃபேன்சியா வாங்கலாம். ஆனா ஜெயில்ல கைதி நம்பர் ஃபேன்சியா வாங்க முடியுமா?
- சுறுசுறுப்பான சூழ்நிலைக் கைதிகள் சங்கம்