‘பாஸ்வேர்டு’ன்னு சொல்றோம்... அது எத்தனாங் கிளாஸ் படிச்சி பாஸ் பண்ணுச்சாம்னு யாராவது சொல்றாங்களா?
- மவுசால் மவுசு அடைந்தோர் சங்கம்

‘‘டாக்டர்... என்னைக் கைவிட்டுட மாட்டீங்களே..?’’
‘‘நான் கைவிட மாட்டேன்... நர்ஸ் கை விட்டா அதுக்கு நான் பொறுப்பு இல்ல!’’

‘‘தலைவர் ஏன் டென்ஷனா இருக்கார்..?’’
‘‘அவரோட நாலு சின்ன வீடுகள், வீட்டுக்குள்ள நுழையறதுக்கு அவருக்குத் தடை விதிச்சிட்டாங்களாம்!’’

‘‘படத்துல அந்த நடிகர் முகம் மட்டும் இருட்டா இருக்கே... ஏன்?’’
‘‘அவர்தான் ‘பவர்கட்’ ஸ்டார்!’’

நிலக்கரியில கரன்ட் எடுக்கலாம்; ஆனா பேக்‘கரி’யில கரன்ட் எடுக்க முடியுமா?
- கரன்ட் கட்டால் கடுப்பாகி கண்டபடி யோசிப்போர் சங்கம்

‘‘டாக்டர், அந்த பேஷன்ட்டோட உறவுக்காரங்களுக்கு உங்களைப் பற்றி தெரியும் போலிருக்கு...’’
‘‘எப்படிச் சொல்றீங்க..?’’
‘‘நீங்க ஆபரேஷனை ஆரம்பிக்கறதுக்கு முன்னாடியே அழ ஆரம்பிச்சுட்டாங்க டாக்டர்!’’

காய்கள், பழங்கள், மரங்கள், கேக், பிரெட் எல்லாத்தையும் ‘துண்டு துண்டா’ வெட்டலாம். ஆனால் அவற்றை வேஷ்டிகளாகவோ, ஷர்ட், பேன்ட்டுகளாகவோ வெட்ட முடியாது!
- கத்தியைக் கையில் வைத்துக்கொண்டு வெட்டத் துடிப்போர் சங்கம்