‘ஜெயப்ரதா மகனை காதலிக்கிறார் ஹன்சிகா’ என்று அட்டையில் படித்துவிட்டு பரபரவென்று உள்ளே போனேன். அது சினிமாவுக்காகத்தான் என்றதும் பெருமூச்சு விட்டுக்கொண்டேன். நல்லவேளை ஹார்ட் அட்டாக் வரவில்லை. என்ன விளையாட்டுங்க இது?

அழகிய மலர் வினோதினியை காதல் என்ற பெயரில் கருகச் செய்தவனை சட்டம் கடுமையாக தண்டிக்க வேண்டும். வினோதினிக்காக நீங்கள் கேட்டிருந்த கேள்விகள் ஒவ்வொன்றும் நியாயத்தின் மறுகுரலாகவே ஒலித்தது!

பிரமாண்ட மகாபாரதம் சன் டி.வி.யில் கலக்கப் போவதை அறிந்து மகிழ்ச்சி. இது ஒரு சின்னத்திரை திரைப்படமாக இருக்காது. பெரியதிரை படங்களுக்கே சவாலாக இருக்கும் என்பதே உண்மை!

மீசை கூடாது, பந்தா வேண்டாம், நகைச்சுவையாகப் பேசணும், உயரமாக இருக்கணும்... ஒரு ஆணிடம் சோனாக்ஷி இப்படியெல்லாம் குவாலிஃபிகேஷனை எதிர்பார்த்தால், காலம் பூரா ஔவையார்தான்!

அழுகைக்குள் சிரிப்பு இருக் காது... ஆனால், சிரிப்புக்கு நிச்சயம் அழுகை இருக்கும் என்று சர்க்கஸ் கோமாளிகளின் வாழ்க்கை உணர்த்திவிட்டது.

ஒரு காலத்தில் இளைஞர்களின் தூக்கத்தைக் கெடுத்த ஜீனத் அமன், இப்போது 61 வயது ஆகியும் தன்னை விட 30 வயது குறைவான ஒரு அரசியல்வாதியை கல்யாணம் செய்து கொள்ளப் போகிறாரா? எந்தக் காலத்திலும் ஜீனத் தலைப்புச் செய்திதான் போங்க!

போப் பெனடிக்ட் பற்றிய கட்டுரையில் ‘அதிகாரத்தை அடைவதை விட அதைத் துறப்பதற்கு அதிக மனோதிடம் வேண்டும்’ என்ற வரிகள் வைரம். அடுத்து அந்தப் பதவியில் அமரப்போவது யாரென்பது கர்த்தருக்கே வெளிச்சம்!

பெரம்பலூர் போன்ற சிறிய நகரத்தில் புத்தகக் கண்காட்சியைத் துவக்கி வைத்து, விழிப்புணர்வை ஏற்படுத்திய மாவட்ட ஆட்சியருக்கு ஹேட்ஸ் ஆஃப்!

‘பைரவி’ படம் தொடங்கி, ரஜினியுடன் தனக்கிருந்த நட்பை ஸ்ரீகாந்த் சொல்லியிருந்தது சூப்பர். சூப்பர் ஸ்டாரே ஸ்டைலாக ஸ்ரீகாந்துக்கு சிகரெட் பற்ற வைக்கும் ஸ்டில் வெரி நைஸ்!

சக கலைஞனுக்கு வாய்ப்பு இல்லை என்றால் சந்தோஷப்படுகிற இந்தக் காலத்தில், வடிவேலுவுக்காக நாலு வார்த்தை பேசி, காமெடி ரசிகர்களைக் குளிர வைத்துவிட்டார் கருணாஸ். வெல்டன்!

‘சுண்டாட்டம்’ படத்தின் அறிமுகம் இப்போதே மனதை சுண்டியிழுக்க ஆரம்பித்து விட்டது. கேரமும் வீரமும் வெற்றியை பாக்கெட் பண்ணட்டும்!