இந்த ஃபயர் படமும் A படம்தான்!

‘ஆரோகணம்’, ‘நடுவுல கொஞ்சம் பக்கத்த காணோம்’, ‘பரதேசி’, ‘மதயானை கூட்டம்’, ‘ரம்மி’... உள்ளிட்ட பல படங்களை தனது ‘ஜேஎஸ்கே ஃபிலிம் கார்ப்பரேஷன்’ மூலம் தயாரித்தவர் ஜேஎஸ்கே சதீஷ். விநியோகஸ்தராகவும், நடிகராகவும் வலம் வரும் சதீஷ் முதல்முறையாக ‘ஃபயர்’ திரைப்படம் மூலம் இயக்குநராகவும் தனது அடுத்த பயணத்தை துவக்கவிருக்கிறார்.

நீங்களே இயக்குநர்... ஏன் இந்த திடீர் முடிவு?

விநியோகஸ்தராகவும், தயாரிப்பாளராகவும் சுமார் 24 படங்களை இதுவரையிலும் ரிலீஸ் செய்திருக்கேன். ரிலீஸ் செய்ததுதான் 24 படங்கள்... ஆனால், வாங்குவதற்காகவும் அல்லது தயாரிப்பதற்காகவும் எத்தனையோ படங்களை பார்த்திருக்கேன் அல்லது கதை கேட்டு இருக்கேன். இதனாலேயே சினிமா பற்றிய புரிதல் தானாகவே வந்திருக்கு. எப்படி ஒரு கதையை தேர்வு செய்வதில் ஓர் இயக்குநருக்கு புரிதல் இருக்குமோ அதே அளவுக்கு புரிதல் தயாரிப்பாளரிடமும் இருந்தால்தான் படத்துக்கு வெற்றி கிடைக்கும்.

அந்தவகையில் அனுபவங்களின் வழியா சரியான கதையை தேர்வு செய்கிற அடிப்படை அறிவு எனக்கிருக்குனு நம்பறேன். மேலும் படத்தின் எடிட்டிங், தயாரிப்பு மேனேஜ்மென்ட், நடிகர்கள் தேர்வு, ப்ரொமோஷன்... எல்லாமே ஓரளவு கத்துக்கிட்டேன் என்பதால் நாமே ஒரு கதையை இயக்கலாம்னு தோணுச்சு. அப்படி உருவானது தான் ‘ஃபயர்’.

‘ஃபயர்’ என்கிற வார்த்தைக்கு அர்த்தம் வேறு... அந்த இந்திப் படம் உருவாக்கிய சர்ச்சையும் வேறு... இந்தப் படம் எப்படி?

அந்த நெருப்பு வேறு இந்த நெருப்பு வேறு. ஓர் ஆணும் பெண்ணும் தனியா இருக்கும் பொழுது அவர்களுக்குள்ள ஒரு நெருப்பு உருவாகும்... அதைச் சார்ந்த கதைதான் இந்த ‘ஃபயர்’.
தவிர பல மொழிகளுக்கு டப்பிங் செய்யும் பொழுது இந்த தலைப்பும் சரியா பொருந்தும். பான் இந்தியா திரைப்படம்னு சொல்ல மாட்டேன்... ஆனா, பன்மொழி படமாக இந்தப் படம் இருக்கும்.

படத்தின் க்ளிப்ஸ் பல கேள்விகளை எழுப்புகிறது... என்ன கதை?

செய்திகளில் படிக்கும் சம்பவம்தான் படத்துக்கு இன்ஸ்பிரேஷன். என்ன செய்தினு சொல்லிட்டா கதையை முழுமையா சொல்லிட்ட மாதிரி ஆகிடும். ஆனா, ஒன் லைனாக சொல்லணும்னா நான்கு பெண்களின் வாழ்க்கையில ஒரு சம்பவம் நடக்குது... அந்தச் சம்பவத்துக்கு காரணமாக ஓர் ஆண்... இது அத்தனையும் ஒரு புள்ளியில் ஒன்றிணையும் போது உண்டாகும் விளைவுகள்தான் கதை.

படத்தின் நடிகர்கள் மற்றும் தொழில்நுட்ப கலைஞர்கள் பற்றி சொல்லுங்க?

படத்தின் மிக முக்கிய கதாபாத்திரங்கள் நான்கு பெண்கள்தான். ஒவ்வொரு கேரக்டரும் ஒவ்வொரு விதமாக இருக்கணும் என்கிறதாலேயே தேர்வு செய்து எடுத்தேன். ரக்ஷிதா மகாலட்சுமி, சாக்ஷி அகர்வால், சாந்தினி தமிழரசன், காயத்ரி... இவங்கதான் படத்தின் ஆணிவேர்.ஒரு முரட்டு அதேசமயம் ஸ்மார்ட் ஆன மெயின் ஆண் கேரக்டர் கதைக்கு தேவைப்பட்டது. அதற்கு பாலாஜி முருகதாஸ் சரியா பொருந்தினார். இவர்கள் கூட சுரேஷ் சக்கரவர்த்தி, பத்மன், சிங்கம் புலினு அனுபவம் வாய்ந்த நட்சத்திரங்கள் இருக்காங்க. இவங்க எல்லாருக்குமே முக்கியமான ரோல்.

ஏன் சின்னத்திரை பிரபலங்கள் என நீங்க கேட்கலாம். இவங்க எல்லாருக்கும் மெனக்கெட்டு ப்ரொமோஷன் செய்ய வேண்டிய தேவை இருக்காது.  ஏற்கனவே வீடுகள் வரை சென்று அறிமுகமான ஆர்டிஸ்ட்கள் இவங்க. அறிமுக இசையமைப்பாளர் டி கே இசையமைச்சிருக்கார். சதீஷ் ஜி ஒளிப்பதிவு செய்கிறார். எஸ் கே ஜீவா வசனங்களை எழுதியிருக்கார். எடிட்டிங் சி எஸ் பிரேம் குமார், ஆர்ட் இயக்கத்தை சுரேஷ் கல்லேரி, பாடல் வரிகளை மதுரகவியும், ராவும் எழுதியிருக்காங்க.

ஒரு தயாரிப்பாளராகவும் விநியோகஸ்தராகவும் தமிழ் சினிமா ஆரோக்கியமாக இருக்கிறது என நினைக்கிறீர்களா?