கிராமம், காமெடி, சென்டிமென்ட், ஃபேமிலி டிராமான்னு பத்து நிமிஷத்திற்குள்ளே ஒரு லைனைச் சொன்னேன். சிரிச்சு ரசிச்சு கேட்டுட்டு படத்தை ஆரம்பிச்சிடலாம்னு ெசான்னாங்க. கிராமத்துப் பக்கம்னு சொல்றது சாதாரண விஷயம் இல்லை.

நம்ம எல்லோரும் சிட்டிக்குள்ளே வந்து அடைஞ்சிட்டாலும், ஒரு கிராமத்து மனுஷன் இன்னும் எல்லோர் மனகக்குள்ளும் இருக்கான். ஜல்லிக்கட்டு, பதநீர், ஈசல் பிடிக்கிறது, திருவிழாவிற்கு வருகிற பெண்களை ஜனங்களோட ஜனங்களாகப் பார்த்து கண் வெட்டுறது எல்லாமே அப்படியே மனசுக்குள்ளே கிடக்கு.

காதல், பாசம், நேசம், காமெடி, துயரம், சடங்கு, திருவிழா, எல்லாத்தையும் அசலாகச் சொல்லப் பார்த்திருக்கேன். நிச்சயம் எதுவும் தூக்கலா இருக்காது. மக்கமாருகளோட கூடி வாழ்றதுதானே நம்ம பழக்கம்லாம்.

கோபப்பட்டு முறைச்சுக்கறதும், அப்புறம் கண்ணீர் விட்டுக் கட்டிப்புடிச்சு அழுறதும்தானே நம்ம அழகு. இப்படியான இடங்கள் அமைகிற சூழ்நிலைகள்தான் கதை...’’ பக்குவமும் புன்னகையுமாகப் பேசுகிறார் இயக்குநர் பாண்டிராஜ். தனக்கான மைதானத்தில் எப்போதும் ஜெயிக்கிற குதிரை. ‘நம்ம வீட்டுப்பிள்ளை’ பாய்ச்சலுக்கு ரெடி.

எதிர்பார்ப்பு ‘நம்ம வீட்டுப் பிள்ளை’க்கு எக்கச்சக்கமா ஏறிக்கிடக்கு!‘கடைக்குட்டி சிங்கம்’ முடிச்சதும், இன்னொரு குடும்பப்படம் அடுத்ததாக வேண்டாம்கிற முடிவில் இருந்தேன். இதுவரைக்கும் ஒரு படத்தை முடிச்சிட்டு ஊர்ப்பக்கம் போனால் ஒருவித ரெஸ்பான்ஸ் கிடைக்கும்.

ஆனால், சிவாவுக்கு பத்துப் படங்கள்ல கிடைச்சிருக்கு!

வெளியே வந்ததும் ‘என்ன சிவா இப்படி மாறிட்டிங்க’ன்னு கேட்டேன். ‘நாம ஏழு வருஷம் பார்க்கலை சார்… அதுக்குள்ளே கத்துக்கிட்டது’ன்னு சொன்னார். இதுதான் அவரை டாப் 5 ஹீரோக்குள்ளே கொண்டு போய் வைச்சிருக்கு!பாரதிராஜா வேறு…   இதுல மூணு பையன், ஒரு பொண்ணோட, 80 வயது தாத்தா. யார் கையையும் நம்பிப் பிழைக்காமல், தானே சம்பாதிச்சு பிள்ளைகளுக்கும் கொடுக்கிற ஆளு.

ஆனால், என் டைரக்‌ஷனில் அவர் டைரக்டரா மூக்கை நுழைச்சால் விடமாட்டேன். யாராக இருந்தாலும் சரி, இது பாண்டிராஜ் படம். வெளியே பார்த்தால் அப்பா, அப்பான்னு கொஞ்சுவோம்.

உள்ளே நுழைஞ்சால் ‘பேசாமல் அருண்மொழிவர்மனா நடிச்சிட்டுப் போயிடுங்க அப்பா’ன்னு செல்லமாக மிரட்டுவேன்!அவர்கிட்டே ஷூட்டிங் முடிச்சிட்டா நடந்த பழைய சம்பவங்கள், ரகசியங்கள்னு அவர் வாயை நானும், சிவாவும் சேர்ந்து புடுங்கிடுவோம். அவர்கிட்டே பேசுறதும், பழகுறதும் தித்திப்பான அனுபவம்.அனு இமானுவேல் அழகில் நிற்கிறாங்க…

அட, நடிப்பிலும்தாங்க! சிவாவிற்கு மாமன் பொண்ணு. ஒரு சடங்கு, திருவிழா, திருமணம்னு நடக்கும்போது நட்ட நடுவில் இவங்க காதல் ஒரு தினுசா, ஜாடை பார்த்து, ஓடிக்கிட்டு இருக்கும். ஒரு புது ஜோடினு இளமை அப்படியே பூத்து நிற்குது.

அவங்க இரண்டு பேரையும் திரையில பார்க்கும்போது மக்கள் சொக்கிப் போய் நிற்பாங்க.சூரி, யோகிபாபுன்னு சேர்த்திட்டிங்களே…நண்பர்களாக நடிச்சிட்டு இருந்த சூரி - சிவாவை அண்ணன் தம்பியா மாத்திட்டேன். நண்பர்களாகவே அலப்பறை பண்ற கலரை மாத்தி, என் மகன் அன்புக்கரசையும் சேர்த்து விட்டிருக்கேன். இந்த மூணு பேரின் டிராவல் இருக்கு.

இந்தப் பொண்ணு ஐஸ்வர்யா ராஜேஷ்... திறமையில் பின்னி எடுக்குது. சுப்பு பஞ்சு, ஆர்.கே.சுரேஷ், நரேன், சண்முகராஜா இவங்கெல்லாம் சித்தப்பா, பெரியப்பாவா வாழ்ந்திருக்காங்க. நட்டி நடராஜ் படம் முழுக்க வர்றார். மொத்தம் 32 கேரக்டர்ஸ் சார்.... பார்த்துக்கங்க!