ஆப்பிரிக்காவின்  முன்னணி தேசங்களில் ஒன்று, நைஜீரியா. இந்நாட்டின் பொருளாதாரத்தில் முக்கியப்பங்கு வகிக்கிறது விவசாயம். இதன் மொத்த மக்கள் தொகையில் 35 சதவீதம் பேர் விவசாயத்திலும், விவசாயம் சார்ந்த தொழில்களிலும் ஈடுபட்டு வருகின்றனர். அங்கே 70.8 மில்லியன் ஹெக்டேர் பரப்பளவில் நெல், கரும்பு, தக்காளி... என பலதரப்பட்ட விவசாயம் நடக்கிறது.

சிமெண்ட், சர்க்கரை, அரிசி, உப்பு, தக்காளி, சுரங்கம், உரம், ரியல் எஸ்டேட், லாஜிஸ்டிக்ஸ்... என பல துறைகளில் இயங்கி வரும் ‘டாங்கோட் குரூப்’பின் நிறுவனர் இவர். ஆப்பிரிக்காவிலேயே மிகப்பெரிய பணக்காரர் மற்றும் உலகின் கறுப்பினப் பணக்காரர்களின் பட்டியலில் முதல் இடத்தில் இருப்பவரும் இவரே.

நைஜீரியாவில் நலிவடைந்த ஒரு தொழிலாக இருந்த விவசாயத்தை, மாபெரும் லாபம் ஈட்டும் பிசினஸாக மாற்றிக்காட்டிய அலிக்கோவின் தொழில் பயணமும், வாழ்க்கையும் புதிதாக தொழில் தொடங்கும் எல்லோருக்குமே ஒரு வழிகாட்டி.  

தாத்தாவிடம் வாங்கிய கடனை மூன்றே மாதத்தில் அடைத்துவிட்டார். கிடைத்த லாபத்தை பிசினஸிலேயே முதலீடு செய்தார். இப்போதும் கூட கிடைக்கும் லாபத்தை பிசினஸில்தான் முதலீடு செய்கிறார்; பெரிதாக வங்கியில் அவர் பணத்தை சேமிப்பதில்லை. நன்றாக பிசினஸ் சென்றது.

தனது 21வது வயதில் ‘டாங்கோட் குரூப்’ எனும் நிறுவனத்தைத் தொடங்கி அரிசி, சர்க்கரை போன்ற விவசாயப் பொருட்களுடன்  உப்பு, சிமெண்ட்டையும் இறக்குமதி செய்து விற்பனை செய்தார் அலிக்கோ. அடுத்த இருபது வருடங்களில் நைஜீரியாவிலேயே முக்கிய வணிக நிறுவனமாக உயர்ந்தது ‘டாங்கோட் குரூப்’.

இந்நிலையில் ஒரு பொருளை யாரோ ஒருவரிடமிருந்து வாங்கி வாடிக்கையாளர்களுக்கு விற்பனை செய்யும் இடைத்தரகராகத்தான் இருக்கிறோம் என்ற விஷயம் அவரை ரொம்பவே தொந்தரவு செய்தது. அதனால் இறக்குமதி செய்யும் அனைத்து பொருட்களையும் தானே உற்பத்தி செய்ய வேண்டும் என்ற முடிவுக்கு வந்தார்.

1997ம் வருடம் சர்க்கரை, அரிசி, தக்காளியை உற்பத்தி செய்யும் விவசாயியாக பரிணமித்தார் அலிக்கோ. அதுவரை அவர் சம்பாதித்த எல்லா பணத்தையும் விவசாயத்தில் முதலீடு செய்தார். இதனால் நைஜீரியாவில் உள்ள லட்சக்கணக்கானோருக்கு வேலையும் கிடைத்தது.

ஆப்பிரிக்காவிலேயே அதிகளவு அரிசியை உற்பத்தி செய்யும் நாடுளில் ஒன்று நைஜீரியா. மட்டுமல்ல, உலகளவில் அரிசி உற்பத்தியில் 14ம் இடத்தில் உள்ளது. இதற்கு மூல காரணம் அலிக்கோ.

அடுத்து நைஜீரியாவில் உள்ள கனோ மற்றும் கடுனா ஆகிய இடங்களில் 2,500 ஏக்கரில் தக்காளியைப் பயிரிட்டிருக்கிறார். இங்கே வருடத்துக்கு 10 லட்சம் டன் தக்காளி உற்பத்தியாகிறது.