சன் டிவியில் தொடர்ந்து வெற்றிகரமாக வலம்வந்து கொண்டிருக்கும் சூப்பர் டூப்பர் சீரியல் ‘வானத்தைப்போல’. சினிமாவிற்கு ஒரு ‘பாசமலர்’ என்றால் சீரியலுக்கு ‘வானத்தைப்போல’ எனச் சொல்லும் அளவுக்கு அண்ணன், தங்கை பாசத்தை வித்தியாசமாகக் காட்டி மக்களின் அன்பையும், ஆதரவையும் பெற்றுள்ள தொடர் இது.

 இப்போது இந்தத் தொடர் 750 எபிசோடுகளை எட்டவிருக்கிறது. இந்நிலையில், ‘வானத்தைப்போல’ குடும்பத்தை ஒரு ஷூட்டிங் ஹவுஸில் சந்தித்தோம்.   முதலில், ஹீரோயின் துளசிக்கு மாமனாராக சங்கரபாண்டி கேரக்டரில் நடிக்கும் மகாநதி சங்கர் நம்மிடம் பேசினார்.

‘‘இரண்டரை ஆண்டுகள் போனதே தெரியல. நான் இயக்குநர் திருமுருகனுக்கு சன்டிவியில் ‘பஞ்சவர்ணக் கிளி’, ‘சத்யா’, ‘நாதஸ்வரம்’னு நிறைய சீரியல்கள் பண்ணியிருக்கேன். பிறகு, ‘மாயா’வில் நடிச்சேன். இப்ப ‘வானத்தைப் போல’ தயாரிப்பாளர் உதய்சங்கர் சார் கூப்பிட்டு பேசினார்.

அப்படியாக இந்த சீரியல் உள்ளே வந்தேன். ஆரம்பத்துல என் கேரக்டர் ஒரு வில்லனாகத்தான் என்ட்ரி ஆச்சு. என் மகன் ராஜபாண்டி. என் மனைவியாக செல்லத்தாயி. இந்த மூணு கேரக்டரும் ஸ்ட்ராங்காக நின்னது. அதேமாதிரி சின்ராசு கேரக்டர், துளசி கேரக்டர், அவங்க மாமாவாக வர்ற முத்தையா கேரக்டர், அவர் மனைவியாக நடிக்கிற கமலா கேரக்டர் எல்லாமே ரொம்ப வலுவானது.

ஏதாவது ஃபங்ஷனுக்கு போகும்போது, ‘துளசியை கைவிட்டுடாதேப்பா. நல்ல பொண்ணுப்பா’னு சொல்வாங்க. அந்தக் கேரக்டராகவே மக்கள் எங்கள பார்க்கிறாங்கனு புரிஞ்சது. சீரியல் வெற்றிகரமாக போயிட்டு இருக்கு.

அதுக்குக் காரணம் மக்கள்தான்...’’ என நெகிழ்ந்தார் கார்த்தி.  அந்நேரம், காட்சிக்குத் தயாராகி வந்த ஹீரோயின் துளசியிடம் பேசினோம். ‘‘தமிழ்ல என்னுடைய முதல் சீரியல் இது. பொதுவாக சீரியல்கள் எல்லாமே பெண்கள் சார்ந்து போகும். ஆனா, இது அண்ணன், தங்கச்சி பாசத்தை மையப்படுத்தியது. வித்தியாசமான கன்டென்ட். நான் இதுக்குள்ள வந்ததே ரீபிளேஸ்மென்ட் கேரக்டர்தான். அப்படியும் எனக்கு அன்பு தந்திருக்காங்க.  

முதல்ல, ‘வானத்தைப்போல’ல லீட் கேரக்டர் ரீபிளேஸ்மென்ட் ஆகுதுனு சொல்லி நான் பெங்களூர்ல இருக்கும்போது கால் பண்ணினாங்க. அப்ப முதல் சீரியலே இப்படி ரீபிளேஸ்மென்ட் கேரக்டர் பண்ணினா நல்லாயிருக்குமானு மைண்ட்ல தோணுச்சு. எப்படி மக்கள் ஏத்துப்பாங்கனு இருந்தது.

ஆனா, எல்லாமே மாறுச்சு. முதல்ல இந்தப் பொண்ணு நல்லா பண்ணும்னு தயாரிப்பு தரப்புல நம்பிக்கை வச்சாங்க. சேனல்ல காவேரி மேடம்கூட ‘இந்தப் பொண்ணு பண்ணிடுவாங்க. போட்டுக்கோங்க’னு சொன்னாங்க. அந்த நம்பிக்கையை நான் காப்பாற்றியிருக்கேன்னு நினைக்கிறேன். அப்புறம், சன் டிவியில் ஹீரோயினாக நடிக்கிறது என் கனவாக இருந்தது. அதுவும் நிறைவேறியிருக்கு.

அவரின் அம்மாவாக கோமதி கேரக்டரில் நடிக்கும் சுஜாதா, ‘‘இப்ப என்னை ‘ஈசன்’ சுஜாதா அல்லது டான்ஸ் மாஸ்டர் சுஜாதானு சொன்னால் யாருக்கும் தெரியாது. ‘வானத்தைப்போல’ கோமதினு சொன்னால் ஈஸியா கண்டுபிடிக்கிறாங்க. அந்தளவுக்கு என் கேரக்டர் ரீச்சாகி இருக்கு.

இந்த ‘வானத்தைப்போல’ சீரியல்ல கமிட்டாக காரணமாக இருந்த கலைமணி சார், எங்க தயாரிப்பாளர், சேனல்ல ரவி சார் எல்லோருக்கும் நன்றி. ஏன்னா, நான் நாற்பது ஆண்டுகாலமாக சினிமாவில் இருக்கேன். முப்பது ஆண்டுகளாக டான்ஸ் மாஸ்டராக பணிசெய்தேன். அப்ப கிடைக்காத அங்கீகாரம் இந்த ரெண்டு ஆண்டுகளாக நம்பமுடியாத அளவில் கிடைச்சிருக்கு. இது என் கேரக்டருக்கு கிடைச்ச வெற்றிதானே.

‘‘எனக்கு கடவுள் நம்பிக்கை அதிகம். அதனால, எந்த புரொஜெக்ட் கிடைச்சாலும் அது ஜீசஸ் கொடுத்ததுதான்னு நினைப்பேன். அப்படித்தான் இந்த புரொஜெக்ட் எனக்கு கிடைச்சதுனு சொல்லணும். இந்த புரொஜெக்ட்டின் உண்மையான ஹீரோ சேனலின் ரவி சார்தான். அவர்தான் இந்த மூலக்கதையை உருவாக்கியவர்.

ரவி சார் இந்த புரொஜெக்ட் ஆரம்பிக்கும்போதே சின்ராசு கேரக்டருக்கு என்னைத்தான் கேட்டார். அப்ப இன்னொரு சேனல்ல சீரியல் பண்ணிட்டு இருந்தேன். அதனால, அவர்கிட்ட முடியாதுனு சொன்னேன். ‘இல்லங்க இந்தக் கேரக்டரை உங்கள மைண்ட்ல வச்சுக்கிட்டுதான் பண்ணினேன்’னு சொன்னார். எனக்கும் அவருக்கும் நல்ல புரிதல் உண்டு. அடுத்து இந்த சீரியலின் வெற்றிக்கு ரவி சாருக்குப் பிறகு இன்னொரு முக்கிய காரணம் சீரியலின் எடிட்டர் சஜின்.

இவங்க ரெண்டு பேருமே நான்தான் நடிக்கணும்னு நினைச்சாங்க. ஆனா, சூழலால் பண்ணமுடியல. பிறகு, தமன் பண்ணினார். தங்கச்சி கேரக்டரும் இன்னொரு ஆர்ட்டிஸ்ட் பண்ணினாங்க. ரெண்டுபேருமே நல்லா பண்ணினாங்க. ஆனா, தெய்வாதீனமாக அது எனக்குதான் வரணும்னு இருந்திருக்கு.

லீட் ரோல் ரெண்டு பேருமே வெளியே போயிட்டாங்க. அப்ப நான் இன்னொரு சீரியலுக்கு கமிட்டானேன். அந்நேரம், ரவி சார் மறுபடியும் கேட்டார். இது கடவுள் கொடுத்ததுனு நினைச்சு உள்ளே வந்தேன். அப்புறம், ரீபிளேஸ் பண்றது கொஞ்சம் சிக்கல்தான். ஏன்னா, என் நடிப்புக்கு ஆடியன்ஸைக் கொண்டு வரணும். அதனால அது சவாலாக இருந்தது. பிறகு கொஞ்சம் கொஞ்சமாக மாற்றிக் கொண்டுவந்தேன்.