சமூக வலைதளத்தின் ஆதிக்கமும் அதன் மூலம் கிடைக்கும் வருவாயும் நாளுக்கு நாள் பெருகிக்கொண்டே செல்கிறது. பத்தில் ஆறு பேர் தனக்கென தனிச் சேனலும், அதில் மூன்று முதல் நான்கு பேர் அதன் மூலம் வருவாயும் ஈட்டுகின்றனர். 

மேற்கத்திய நாடுகளான அமெரிக்கா, கனடா, ஐரோப்பா நாடுகளில் பெரும்பாலும் சினிமா பிரபலங்களுக்குப் பிறகு இசைக் கலைஞர்கள்தான் மிகப்பெரும் பிரபலங்களாக கொண்டாடப்படுவார்கள். போலவே சின்னத்திரை கலைஞர்களும் இப்படியான பிரபலங்களின் ஸ்டேட்டஸ்களை பெறுவது வழக்கம்.

பல ரியாலிட்டி நிகழ்ச்சிகள் தொடங்கி, சினிமா வரையிலும் கூட இவர்களின் தாக்கம் பெரிய அளவில் பார்க்க முடிகிறது. இன்னும் சிலரின் டிஜிட்டல் வளர்ச்சி பிரபலம், புகழ் கடந்து மில்லினியர்களாகவும் மாற்றி விடுகிறது. 

அப்படித்தான்  சாதாரண ஆசிரியையாக மாதச் சம்பளம் வாங்கிக் கொண்டிருந்த நிஷா மதுலிகா தற்போது வருடத்திற்கு யூடியூப் மூலமாக ரூ.43 கோடி வருமானம் பார்த்து வருகிறார். மேலும் இந்தியாவிலே யூடியூபில் அதிகம் வருமானம் ஈட்டும் முதல் பெணமணியாகவும் உயர்ந்திருக்கிறார்.

‘‘எனக்கு சொந்த ஊர் நொய்டா, உத்திரப்பிரதேசம். இதெல்லாம் துவங்கியது 2011ம் ஆண்டு. அப்போது பொருளாதாரத்தில் பின்தங்கிய குழந்தைகளுக்கு பாடம் எடுக்கும் டீச்சராக இருந்தேன்.

குழந்தைகள் படிப்பு, வேலை நிமித்தமாக வெளியூருக்கு செல்லும் போது வீட்டில் ஒரு வெற்றிடம் ஏற்படும். இதன் காரணமாக பல பெற்றோர்கள் குறிப்பாக அம்மாக்கள் தனிமை அழுத்தத்தால் பாதிக்கப்படுவார்கள். 

அப்படியான ஒரு சவாலான கால கட்டத்தில் 2009ம் ஆண்டு முதன்முதலில் உணவு ரெசிபிகள் குறித்து இணையத்தில் பிளாக் எழுதத் துவங்கியிருக்கிறார் நிஷா.அங்கே ஆரம்பித்து சமூக வலைதளம், தனக்கென பிரத்யேக இணையதளம், யூடியூப் என முன்னேறி தற்போது உத்திரப்பிரதேச மாநிலத்தில் நிஷாவின் பிரத்யேக உணவகமும் இயங்கி வருகிறது.