மிஸ்டர் பச்சன்

முதல் பார்வையிலேயே ஒரு பெண் மீது காதல் கொள்கிறார் பச்சன். இன்னொரு பக்கம் பச்சனால் அவமதிப்புக்கு உள்ளாகிறார் ஜக்கையா. பச்சனை எப்படியாவது பழிவாங்க வேண்டும் என்று திட்டத்தில் இருக்கிறார் ஜக்கையா. 

அதனால் பல வழிகளில் பச்சனை வேட்டையாட ஆட்களை அனுப்புகிறார். இந்நிலையில் ஜக்கையாவைத் திருப்பி அடிக்க, அவர் வீட்டை வருமான வரி சோதனையிட தனது குழுவை பச்சன் அனுப்புகிறார். சூடுபிடிக்கிறது திரைக்கதை. சில வருடங்களுக்கு முன்பு வெளியான ‘ரெய்டு’ எனும் இந்திப்படத்தின் அதிகாரபூர்வ ரீமேக்தான் இந்தப் படம். தெலுங்கு மசாலா படப்பிரியர்கள் தவறவிடக்கூடாத படம் இது. இதன் இயக்குநர் ஹரீத் சங்கர்.

சைஜுக்கு சஜிதாவைப் பிடித்துப்போக, திருமணம் நடக்கிறது. திருமணத்துக்குப் பிறகு இருவரின் வாழ்க்கையும் சில நாட்கள் மட்டுமே மகிழ்ச்சியாக செல்கின்றது. எப்போது குழந்தை பெற்றுக்கொள்ளப் போகிறீர்கள்? ஏதாவது விசேஷம்... என்று வீட்டிலுள்ளவர்களும், சுற்றியிருப்பவர்களும் சைஜுவையும், சஜிதாவையும் தொந்தரவு செய்துகொண்டே இருக்கின்றனர்.

பதிமூன்று வயதான ரைலி, உயர்நிலைப் பள்ளிக்குள் நுழைகிறாள். நெருங்கிய நண்பர்களான ப்ரீ, கிரேஸுடன் ஐஸ் ஹாக்கி கேம்பிற்கு செல்கிறாள். பள்ளியின் ஐஸ் ஹாக்கி அணியில் ஓர் இடம் கிடைக்கும் என்ற நம்பிக்கையுடன் காத்திருக்கிறாள் ரைலி. மகிழ்ச்சி, சோகம், வெறுப்பு, கோபம், சலிப்பு போன்ற உணர்வுகள் ரைலியை ஆக்கிரமித்து  இருந்தன. 

13 வயதை அவள் அடைந்துவிட்டதால் அவள் வாழ்க்கைக்குள் புதிதாக கவலை என்ற உணர்வு ஆக்கிரமிக்க, ரைலிக்கு பள்ளியின் ஐஸ் ஹாக்கி அணியில் இடம் கிடைத்ததா என்பதே மீதிக்கதை.கதையைத் தாண்டி, காட்சிகளால் வசீகரிக்கும் படம் இது. இதன் இயக்குநர் கெல்சேமான்.

சமீபத்தில் ‘நெட்பிளிக்ஸி’ல் வெளியாகி, பார்வையாளர்களை மிரள வைத்துக்கொண்டிருக்கும் இந்திப்படம், ‘செக்டார் 36’. தமிழ் டப்பிங்கிலும் காணக்கிடைக்கிறது.தொழிலதிபர் பாஸியின் வீட்டில் வேலை செய்து வருகிறான் பிரேம். குடிசைப்பகுதியில் வசிக்கும் சிறுமிகளைக் கடத்தி வந்து கொடூரமான முறையில் கொலை செய்கிறான் பிரேம். 

குழந்தைகள் காணாமல் போகும் நிகழ்வு அதிகரித்துக்கொண்டே செல்கிறது. இது காவல்துறைக்கு பெருத்த நெருக்கடியைத் தருகிறது. குழந்தைகளைக் கொலை செய்வது மட்டுமல்லாமல், அவர்களுடைய உடல் உறுப்புகளை விற்பனை செய்கிறான் பிரேம்.

காவல்துறை அதிகாரி ராம் ஊழலில் திளைத்திருப்பதால் கொலையாளியைக் கண்டுபிடிக்க எந்த முயற்சியையும் அவர் செய்வதில்லை. மட்டுமல்ல; குழந்தைகள் காணவில்லை என்று புகார் அளிக்க வருபவர்களிடம் மரியாதை இல்லாமல் நடந்துகொள்கிறார். 

அவர்களைச் சமாளித்து வீட்டுக்கு அனுப்பிவிட்டு, ஹாயாக இருக்கிறார் ராம். இந்நிலையில் ராமின் குழந்தைக்கே ஆபத்து வர, அவர் என்ன செய்கிறார் என்பதே மீதிக்கதை. சில வருடங்களுக்கு முன்பு நொய்டாவில் நடந்த கொடூர சம்பவத்தை அடிப்படையாக வைத்து படத்தை இயக்கியிருக்கிறார், ஆதித்ய நிம்பல்கர்.