பிரசாதங்கள்

சந்திரலேகா ராமமூர்த்தி

பாம்பே ரவை களி

என்னென்ன தேவை?

பாம்பே ரவை, பொடித்த வெல்லம் - தலா 1 கப், வேகவைத்த பாசிப்பருப்பு - 1/4 கப், நெய் - 1/4 கப் + எண்ணெய் - 2 டேபிள்ஸ்பூன், முந்திரி - 10, ஏலக்காய்த்தூள் - 1/4 டீஸ்பூன், தேங்காய்த்துருவல் - 1/2 கப், அலங்கரிக்க பாதாம் - 6.

எப்படிச் செய்வது?

வெல்லத்துடன் 1/4 கப் தண்ணீர் சேர்த்து வெல்லம் கரைந்து கொதித்து வந்ததும் இறக்கி வடிகட்டவும். கடாயில் எண்ணெய் + நெய் சேர்த்து சூடானதும் முந்திரியை லேசாக வறுத்து, அதனுடன் ரவையை சேர்த்து நன்கு சிவக்க வறுத்து, தேங்காய்த்துருவலையும் சேர்த்து வறுத்து இறக்கவும்.மற்றொரு கடாயில் 2½ கப் தண்ணீரை சேர்த்து கொதித்ததும் மிதமான தீயில் வைத்து அதில் வறுத்த ரவை, தேங்காய்த்துருவல் கலவையை கொட்டி நன்கு கிளறி வேகவிடவும். பிறகு வெல்லப்பாகு, வெந்த பாசிப்பருப்பு, ஏலக்காய்த்தூள் சேர்த்து கிளறி அனைத்தும் சேர்ந்து சுருண்டு வந்ததும் இறக்கி, நறுக்கிய பாதாம் கொண்டு அலங்கரித்து பரிமாறவும். குறிப்பு: அரிசி ரவையிலும் செய்யலாம்.

ஜவ்வரிசி தயிர் வடை

என்னென்ன தேவை?

நைலான் ஜவ்வரிசி - 100 கிராம், உளுந்து - 1/2 கப், வேகவைத்து மசித்த உருளைக்கிழங்கு - 1, நறுக்கிய பச்சைமிளகாய் - 2, நறுக்கிய கொத்தமல்லி - 1 கைப்பிடி, துருவிய இஞ்சி, கேரட் - சிறிது, பொரிக்க எண்ணெய், உப்பு - தேவைக்கு, கடைந்த கெட்டித்தயிர் - 2 கப், சர்க்கரை, மிளகாய்த்தூள், சாட் மசாலாத்தூள் - சிறிது.

எப்படிச் செய்வது?

ஜவ்வரிசியை தண்ணீரில் 1/2 மணி நேரம் ஊறவைத்து பிறகு பிழிந்து கொள்ளவும். உளுந்தை 20 நிமிடம் ஊறவைத்து வடித்து உப்பு, பச்சைமிளகாய் சேர்த்து மிக்சியில் நைசாக அரைக்கவும். அதனுடன் ஜவ்வரிசி, மசித்த உருளைக்கிழங்கு, இஞ்சி சேர்த்து கலந்து வடைகளாக தட்டி சூடான எண்ணெயில் பொரித்தெடுத்து வடித்து வைக்கவும்.தயிர் வடை செய்ய: தயிரில் சர்க்கரை, சிறிது உப்பு கலந்து கொள்ளவும். தட்டில் வடைகளை அடுக்கி அதன் மீது தயிர் கலவையை ஊற்றி மல்லித்தழை, கேரட் துருவல், மிளகாய்த்தூள், சாட் மசாலாத்தூள் தூவி சிறிது குளிரவைத்து பரிமாறவும்.

நாவற்பழ ஜூஸ்